Telehram-kanał «ZaciepiłO!» byŭ stvorany 2 červienia 2020 hoda, jašče da prezidenckich vybaraŭ. Łacinskaja Z u naźvie źjaviłasia zadoŭha da taho, jak stała simvałam rasijskaj ahresii va Ukrainie.

U pieršym ža paście aŭtar novaha resursa pradstaviŭsia i paviedamiŭ, što jaho kanał — praciah «Błoha Alaksandra Jaŭsiejenki» na staronkach haziety «Saviecki rajon». U raspaŭsiudžvańni kantentu prapahandystu zaŭsiody dapamahali kanały, jakija kantralavali miascovyja ŭłady, a taksama raznastajnyja nibyta nie całkam aficyjoznyja resursy, jakija padtrymlivajuć Łukašenku i jaho siłavy aparat.

Uznaharodžańnie Alaksandra Jaŭsiejenki hramataj administracyi Łukašenki «za adkaznaje pačućcio abaviazku i vysokuju hramadzianskuju pazicyju» ŭ červieni 2021 hoda

Uznaharodžańnie Alaksandra Jaŭsiejenki hramataj administracyi Łukašenki «za adkaznaje pačućcio abaviazku i vysokuju hramadzianskuju pazicyju» ŭ červieni 2021 hoda

U studzieni 2021 hoda kolkaść padpisčykaŭ kanała raptam uźlacieła z 500 adrazu da 17 300. Takim čynam jon staŭ najbujniejšym pa kolkaści padpisčykaŭ va ŭsioj Homielskaj vobłaści. 

Ale ci nastolki kanał papularny, jak chacieŭ pakazać jaho aŭtar? «Fłahštok» praanalizavaŭ statystyku kanała z dapamohaj anłajn-servisa Tgstat i vyjaviŭ, što aŭdytoryja kanała Alaksandra Jaŭsiejenki nadzvyčaj «nadźmutaja» botami. Skaračeńnie kolkaści padpisčykaŭ pačałosia adrazu ž paśla dadańnia tysiač novych karystalnikaŭ i było nastolki imklivym, što nie pakidała sumnievaŭ, što ŭ studzieni 2021 hoda dla raskrutki kanała vykarystoŭvalisia falšyvyja padpisčyki.

Z 24 lutaha hetaha hoda «ZaciepiłO!» pieraklučyŭsia z krytyki apanientaŭ režymu na antyŭkrainskuju prapahandu, raspaŭsiudžvajučy infarmacyju ab «śpiecapieracyi» va Ukrainie z punktu hledžańnia Rasii. Asabliva, darečy, chvaluje Alaksandra Jaŭsiejenku tema hiej-paradaŭ: im jon pryśviaciŭ niekalki dziasiatkaŭ publikacyj.

Pierachod na aśviatleńnie vajny, adnak, nijak nie adbiŭsia na roście kolkaści padpisak. Na siońniašni dzień kolkaść padpisčykaŭ kanała składaje 1050 čałaviek, a prytoku novych karystalnikaŭ nie nazirajecca. Apošni raz, dziakujučy zhadkam u inšych kanałach, čytačy prychodzili siudy ŭ lipieni 2022 hoda. Usiaho ž z pačatku hoda było pryciahnuta ŭsiaho 12 novych padpisčykaŭ, a kožnaja novaja publikacyja stabilna nabiraje tolki 120 prahladaŭ žyvymi karystalnikami.

Prykład typovaj publikacyi z kanała Alaksandra Jaŭsiejenki

Prykład typovaj publikacyi z kanała Alaksandra Jaŭsiejenki

Takaja statystyka telehram-kanała «ZaciepiłO!», na dumku «Fłahštoka», śviedčyć pra toje, što padobny kantent siońnia nie vyklikaje cikavaści nie tolki ŭ homielcaŭ, ale i ŭsioj biełaruskaj aŭdytoryi. Napampoŭka kanała «miortvymi dušami» patrebnaja była tolki dla taho, kab zrabić uražańnie ŭjaŭnaj masavaści i nijak nie śviedčyć pra realnuju zapatrabavanaść takoj infarmacyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?