Elektronnaha hałasavańnia ŭ Biełarusi padčas elektaralnaj kampanii 2024 hoda nie budzie, zajaviŭ kiraŭnik CVK Ihar Karpienka, piša «Sputnik».
«Elektronnaje hałasavańnie tak prosta nie ŭvodzicca. Navat Rasija, majučy dośvied praviadzieńnia nie adnoj elektaralnaj kampanii, usio roŭna paŭsiudna nie ŭviała elektronnaje hałasavańnie», — adznačyŭ Karpienka.
Karpienka rastłumačyŭ, što dla taho, kab uvieści ŭ krainie elektronnaje hałasavańnie, pavinny być dastatkova biaśpiečnyja płatformy. «Znoŭ ža, my pavinny vyjści ŭ našaj krainie na adzinuju sistemu rehistra nasielnictva i na jaho asnovie stvaryć rehistr vybarščykaŭ, biez hetaha niemahčyma heta rabić», — ličyć jon.
Kiraŭnik CVK padkreśliŭ, što elektronnaje hałasavańnie — heta doŭhaterminovaja pierśpiektyva, jakaja «moža być u našaj krainie».
«Ale adrazu mahu skazać, što ŭ 2024 hodzie adziny dzień hałasavańnia budzie prachodzić pakul tradycyjnym šlacham, va ŭsiakim vypadku — biez elektronnaha hałasavańnia», — padsumavaŭ Karpienka.
