51-hadovy vartaŭnik kala 15:00 pryjechaŭ u jabłynievy sad ahrakambinata «Paŭdniovy». Na terytoryi zaŭvažyŭ nieviadomaha mužčynu, jaki zalez pa leśvicy na dreva. Spytaŭ, što jon tam robić.
Toj mužčyna adkazaŭ, što jon novy vartaŭnik. Štatny achoŭnik skazaŭ, što novych rabotnikaŭ nie nabirali, i paŭtaryŭ pytańnie. Nieviadomy padyšoŭ da viaskoŭca i niečakana ŭdaryŭ nažom u žyvot. Zabraŭ sotavy telefon, z vartavoj budki — słužbovy binokl i źbieh.
Vartaŭnik dajšoŭ da rabotnikaŭ, jakija byli ŭ sadzie. Tyja paviedamili pra zdareńnie ŭ milicyju, vyklikali chutkuju. Z pranikalnym nažavym ranieńniem brušnoj połaści paranienaha dastavili ŭ abłasnuju kliničnuju balnicu, dzie praapieryravali. Miedrabotniki kanstatavali — na jaho ščaście, unutranyja orhany nie paškodžanyja.
62-hadovaha padazravanaha zatrymali ŭžo na nastupny dzień. Znajšli i nož. Žychar pasiołka Hryvy Homielskaha rajona raniej byŭ sudzimy za zabojstva i asabliva złosnaje chulihanstva. U toj dzień na rovary pryjechaŭ u sad pa jabłyki, ale raptam źjaviŭsia vartaŭnik.
Zaviedziena kryminalnaja sprava.
