Studenty Biełaruskaha dziaržaŭnaha miedycynskaha ŭniviersiteta. Fota: bsmu.by

Studenty Biełaruskaha dziaržaŭnaha miedycynskaha ŭniviersiteta. Fota: bsmu.by

Jak u rehijonach?

Zhodna z nacyjanalnym bankam vakansij, u krainie šukajuć 4614 daktaroŭ-śpiecyjalistaŭ, 3607 miedsiaścior, 2209 sanitaraŭ.

Minskim balnicam i paliklinikam nie chapaje 3506 rabotnikaŭ. Jany zastajucca biez 1329 daktaroŭ-śpiecyjalistaŭ, 1514 miedsiaścior i 663 sanitaraŭ.

Ustanovam achovy zdaroŭja Minskaj vobłaści patrabujecca 1592 rabotniki.

Na Homielščynie nie chapaje 1325 daktaroŭ, miedsiaścior i sanitaraŭ, u Hrodzienskaj vobłaści — 1025. Na Brestčynie brakuje 1022 miedrabotnikaŭ.

Na Viciebščynie ź miedyčnymi kadrami lepiej, ale nie našmat. Nie chapaje 966 daktaroŭ, miedsiaścior i sanitaraŭ. Ustanovy achovy zdaroŭja Mahiloŭščyny nie ŭkamplektavanyja 738 miedrabotnikami. 

«Za ŭsimi hetymi ličbami staić čałaviečaje zdaroŭje i žyćci»

Na dumku daktaroŭ z Mahiloŭskaj vobłaści, tutejšaja «pazityŭnaja» statystyka ź miedycynskimi kadrami ŭ paraŭnańni ź inšymi rehijonami tłumačycca jaje addalenaściu ad zachodnich miežaŭ krainy. Raniej miedyki źjazdžali ŭ Rasiju, a ciapier tam vajna i achvotnych niašmat, adznačajuć surazmoŭcy.

Pavodle ich, niedachop siami socień miedrabotnikaŭ adčuvalny ŭ miascovych balnicach. Tutejšy piersanał nie ŭdajecca ŭtrymać padvyšeńniami da zarobkaŭ, bo jany mizernyja.

«Vialiki adtok kadraŭ pryznajecca i čynoŭnikami. Miedyki vučać movu i zjazdžajuć», — kaža pra situacyju miedyk z Babrujska.

«Za ŭsimi hetymi ličbami staić čałaviečaje zdaroŭje i žyćci, — adznačaje jon. — Chtości pazbaŭleny mahčymaści atrymać miedycynskuju dapamohu ci atrymać jaje ŭ poŭnym abjomie».

Niekatoryja z surazmoŭcaŭ źviazvajuć niedachop kadraŭ z padziejami 2020 hoda. Na pratesty ŭ Minsku i zachodnich abłaściach vychodziła bolš miedykaŭ, jakija pa zadušeńni pratestaŭ vymušanyja byli zjazdžać uśled z ajcišnikami. Akcentujuć uvahu surazmoŭcy i na inšych akaličnaściach.

«U Minsku niepavažlivaje staŭleńnie da siabie doŭha tryvać nie buduć, a zjeduć, niahledziačy na ciažkaści. Daktaroŭ źjechała šmat, mnohija ź ich byli adzinkavyja prafiesijanały», — adznačaje miedyk z mahiloŭskaj hłybinki.

Vyrašeńnie prablemy pavodle Łukašenki: «My ciabie rychtavali — adpracuj 10 hadoŭ»

Čynoŭniki nastojvajuć, što pa rehijonach ukamplektavanaść kadrami nieadnarodnaja. Lepšaja situacyja ŭ Bresckaj i Hrodzienskaj abłaściach. Prablemy z kadrami majuć lakarni Viciebščyny, Mahiloŭščyny, Minščyny dy stalicy. Ale źviestki Dziaržaŭnaj słužby zaniataści śviedčać, što situacyja ź miedrabotnikami va ŭschodnich rehijonach vyhladaje lepiej.

Prablemu niastačy miedykaŭ čynoŭniki sprabujuć vyrašać pavieličeńniem biudžetnych miescaŭ u navučalnych ustanovach. Jany spadziajucca vypravić situacyju zachadami pa sacyjalnaj padtrymcy śpiecyjalistaŭ na miescach. Abiacajuć davać im žytło.

Letaś Łukašenka nastaŭlaŭ kiraŭnika Ministerstva achovy zdaroŭja Dźmitryja Pinieviča, kab toj padrychtavaŭ prapanovu ab abaviazkovaj 10-hadovaj adpracoŭcy raźmierkavańnia vypusknikami miedycynskich vučelniaŭ.

Łukašenka i Pinievič u Čačerskaj rajonnaj balnicy. Fota: grodnonews.by

Łukašenka i Pinievič u Čačerskaj rajonnaj balnicy. Fota: grodnonews.by

«Ty mnie maješ unieści ŭ novym hodzie prapanovu. Pryjšoŭ va ŭniviersitet vučycca — pryjšoŭ, skončyŭ. My ciabie rychtavali — adpracuj 10 hadoŭ. Nam treba pastavić usie kropki nad «i», — patrabavaŭ Łukašenka.

Jon aburaŭsia, što miedyki vyjazdžajuć za miažu, a ŭrady susiednich krain zavablivajuć biełarusaŭ tym, što spraščajuć pracedury ŭładkavańnia.

Tak, naprykład, zrabiła Polšča. U joj z 2021 hoda zamiežny miedyk moža pracavać pa śpiecyjalnaści piać hadoŭ, a za hety čas jon abaviazany zdać nieabchodnyja ispyty, kab paćvierdzić kvalifikacyju dla atrymańnia licenzii.

Sioleta ministr achovy zdaroŭja Polščy Adam Niadzielski zajaviŭ, što za apošni hod u jaho krainie pracaŭładkavali tysiaču biełaruskich miedykaŭ. 

Adtok miedyčnych kadraŭ spynicca tolki tady, kali zabaroniać vyjezd z krainy naohuł, ličać daktary. Pavodle ich, nijakija čynoŭnickija ŭmovy nie dapamohuć. Situacyja z deficytam miedyčnaha piersanału čynoŭnikaŭ nie chvaluje.

«Jany zakłapočanyja tolki tym, jak samim utrymacca na płavu, — ličyć miedyk z Homiela. — Lačycca ŭ balnicach, dzie brakuje daktaroŭ patrebnaha na momant chvaroby im profilu, jany nie buduć. Prablemu zhadajuć tolki tady, kali pra jaje skažuć ci zahadajuć jaje zaŭvažyć».

«Pandemija i represii ŭzarvali sistemu». Daktary raskazvajuć, jak źmianiłasia miedycyna za try hady

Rearhanizacyja chutkaj dapamohi i paniaćcie miedyčnaj pamyłki. Piać prapanoŭ nakont budučaj reformy ŭ sistemie achovy zdaroŭja

«Nie chaču pierahortvać staronku, prosta kab prakarmicca». Maksimalna ščyraje intervju reanimatołaha Martava

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?