Fota: CNN
Čałaviek, jaki zakłaŭ bombu na papularnaj turystyčnaj vulicy Iściklal u Stambule, zatrymany. Jak miarkujecca, jon maje dačynieńnie da Rabočaj partyi Kurdystana (RPK), jakuju Ankara ličyć terarystyčnaj, paviedamiŭ kiraŭnik MUS Turcyi Sulejman Sajłu ŭ efiry telekanała TRT Haber.
Jon taksama paviedamiŭ, što paciarpieŭ 81 čałaviek, ź ich 50 užo vypisanyja z balnicy, piaciora znachodziacca ŭ reanimacyi, dvoje — u ciažkim stanie.
Vybuch adbyŭsia kala 16:20 13 listapada. Vulica Iściklal, dzie adbyŭsia terakt, piešachodnaja i źjaŭlajecca adnym z samych papularnych miescaŭ u turystaŭ. Jaje całkam pierakryli, a taksama začynili miačeć Taksim.
Vice-prezident Turcyi Fuat Aktaj raniej zajaviŭ, što bombu zakłała žančyna. Jon taksama paćvierdziŭ ahučanuju prezidentam Turcyi Redžepam Taipam Erdahanam viersiju pra toje, što hety incydent źjaŭlajecca teraktam.
