«Asablivaja rola advodzicca avijabazie ŭ rajonie nasielenaha punkta Łuniniec Bresckaj vobłaści, dzie raźmiaščajucca iranskija bieśpiłotnyja latalnyja aparaty, a taksama peŭnaja kolkaść ich apierataraŭ», — raskazaŭ jon.
Hromaŭ paviedamiŭ, što zaraz idzie pierakidvańnie ŭ Biełaruś padraździaleńniaŭ rasijskaj Pieršaj tankavaj armii, u pieršuju čarhu — 2-j motastrałkovaj dyvizii razam z technikaj i mabilizavanymi.
Pa słovach Hromava, dla pieravozki vajennaj techniki, abstalavańnia i asabovaha składu na praciahu kastryčnika było zadziejničana bolš za 1,5 tysiačy čyhunačnych płatformaŭ, 200 pasažyrskich vahonaŭ, kala 100 hruzavych vahonaŭ.
Tak, na pytańnie žurnalista, kali budzie sfarmavana hrupoŭka, Hromaŭ adkazaŭ, što ŭ bližejšyja tydni hetaha nie čakajecca.
«Na praciahu bližejšych tydniaŭ heta (hatoŭnaść da paŭtornaha napadu) nie čakajecca. My raźličvajem, što heta moža być nie raniej, čym praz 2-3 miesiacy», — miarkuje Hromaŭ.
