Fota: Minsk-naviny
Ab hetym zajaviŭ 2 listapada na anłajn-kanfierencyi «Novaja sistema rehulavańnia cen. Asablivaści prymianieńnia pastanovy № 713» pieršy namieśnik Ministra antymanapolnaha rehulavańnia i handlu Ivan Viežnaviec, paviedamlaje Office Life.
«My kirujemsia ŭ sukupnaści dvuma hetymi dakumientami. Kali tavar uvachodzić u adzin z hetych kłasifikataraŭ i zhadvajecca ŭ pastanovie № 713, to takaja pazicyja rehulujecca», — skazaŭ jon.
Namieśnik Ministra pryvioŭ prykład ź mietałapradukcyjaj — tavarnaj hrupaj, jakaja ŭkazanaja ŭ pastanovie № 713. Usie tavary z hetaj hrupy, jakija pieraličanyja ŭ pastanovie № 46 MARH abo ŭ pastanovie № 76 Biełstata, rehulujucca. Inšyja tavary, jakija tam nie zhadvajucca z punktu hledžańnia mietałapradukcyi, nie rehulujucca. Cana rehulujecca tolki na tavarnyja hrupy, jakija ŭklučany ŭ pastanovu № 713, akcentavaŭ Viežnaviec.
Kali ž tavar uvachodzić u peŭnuju hrupu, ale heta hrupa ŭ pastanovie № 713 nie prapisana, to ceny na takija tavary nie rehulujucca.
Kali jość sumnievy, jakija tavary rehulujucca abo nie rehulujucca, i jany prama nie nazvanyja albo markiroŭka hetych tavaraŭ nie daje adnaznačnaha vyznačeńnia — ci adnosicca tavar da taho, jaki ŭklučany ŭ pieralik, možna kiravacca inšymi techničnymi narmatyŭnymi aktami, naprykład, adniasieńniem hrupy tavaraŭ da kodu TNVED. Možna kiravacca STB ci DASTam, jakija dajuć charaktarystyku hetaha tavara z adniasieńniem da peŭnaj hrupy jakoha-niebudź inšaha anałahičnaha tavara», — paraiŭ Viežnaviec.
