Pavodle źviestak vydańnia, instruktary byli zabityja ŭ apošni tydzień. Aficyjna i Maskva, i Tehieran admaŭlajuć pastaŭki iranskich bieśpiłotnikaŭ Rasii. Adnak zachodnija ŚMI paviedamlali ab zakupkach dronaŭ ź leta. Ab ich prymianieńni ŭ vajnie suprać Ukrainy viadoma nie tolki z zajavaŭ ŭkrainskich i zachodnich uładaŭ, ale i pa adkrytych danych.
U pryvatnaści, iranskija drony-kamikadze «Šachied-136», pierafarbavanyja i pierajmienavanyja ŭ «Hierań-2», aktyŭna ŭžyvajucca ŭ tym liku pry napadach na abjekty ŭkrainskaj enierhietyčnaj sistemy ŭ apošnija tydni.
12 kastryčnika krynicy Minabarony Ukrainy paviedamili, što na terytoryi anieksavanych Rasijaj Kryma i Chiersonskaj vobłaści prysutničajuć iranskija instruktary. Jany nie tolki navučajuć rasijskich vajskoŭcaŭ karystacca BPŁA, ale i kaardynujuć paloty dronaŭ pry napadach na abjekty ŭ Mikałajevie i Adesie.
