Zdymak ilustracyjny. Fota: Alaksiej Furman / Getty Images

Zdymak ilustracyjny. Fota: Alaksiej Furman / Getty Images

«Budu praviarać asabista, ci jość infarmacyja ŭ žycharoŭ: dzie znachodziacca klučy ad padvałaŭ, budu hladzieć na stan samich padvałaŭ», — zajaviŭ miascovy hubiernatar Viačasłaŭ Hładkoŭ.

Akramia hetaha, rehijanalnyja ŭłady abaviazvajucca arhanizavać raspaŭsiudžvańnie infarmacyi pra toje, jak pavodzić siabie pry abstrełach, jakija byvajuć miny i što rabić pry ich vyjaŭleńni, a taksama ab praviłach akazańnia pieršaj dapamohi. Takaja infarmacyja budzie raspaŭsiudžvacca na pradpryjemstvach, u škołach i balnicach, sacyjalnych ustanovach, a taksama praź ŚMI i internet.

«Važna, kab kožny žychar vobłaści razumieŭ, što jamu rabić i jak siabie pavodzić u toj ci inšaj ekstremalnaj situacyi. Na žal, takija patrabavańni času», — zajaviŭ Hładkoŭ.

Z pačatku kastryčnika ŭłady Biełharodskaj vobłaści stali ŭsio čaściej paviedamlać pra abstreły, jak śćviardžajecca, z boku Ukrainy. Napiaredadni, 13 kastryčnika, paciarpieŭ šmatpaviarchovik u Biełharadzie, a paźniej u toj ža dzień hubiernatar Hładkoŭ paviedamiŭ, što ŭ vyniku abstrełu razburany pamiežny punkt u horadzie Šebiekina na miažy z Ukrainaj. Uviečary ž u adnym z pasiołkaŭ Biełharadskaj vobłaści adbyŭsia vybuch na składzie bojeprypasaŭ, jość zahinułyja i paranienyja. 

Čytajcie taksama:

U vyniku vybuchaŭ u Biełharadskaj vobłaści zahinuli try rashvardziejcy. Siońnia ŭ Biełharadzie znoŭ abstreły

U Biełharadskaj vobłaści paviedamili pra vybuch składa z bojeprypasami ŭ vyniku abstrełu USU

«Nienavučanych chłopcaŭ kidajuć na pieradavuju». Rasija zakipaje

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?