Fota: fejsbuk Antona Masłyki

Fota: fejsbuk Antona Masłyki

Kaciaryna Jeŭdakimava i Anton Masłyka

Antonu Masłyku 32 hady. Jon vučyŭsia ŭ Biełaruskim dziaržaŭnym kaledžy pramysłovaści budaŭničych materyjałaŭ. Ad 2018 hoda pracuje ŭ kampanii «Biełenierhasuviaź».

Anton zachaplajecca rok-muzykaj. Adzin ź jaho kumiraŭ — saviecki śpiavak Viktar Coj i hurt «Kino». U 2009 hodzie Anton ź siabrami stvaryŭ svaju kamandu «Nieiźviestnyj Maršrut». U joj byŭ vakalistam i hitarystam. Hulaŭ u amierykanski futboł.

Fota: prisoners.spring96.org

Fota: prisoners.spring96.org

U Antona jość kanał na tyktoku, dzie jon vykładaŭ videa-roliki pra jahonaje kucharstva, a taksama dzialiŭsia sakretami i dasiahnieńniami ŭ brovarstvie i vinakurstvie.

Žonka Kaciaryna taksama słuchaje rok-muzyku, padletkam chadziła na kancerty biełaruskich hurtoŭ. 

Pavodle pravaabaroncaŭ, Kaciaryna i Anton vychodzili ŭ 2020 hodzie na niadzielnyja maršy pratestu. Fotazdymki ź ich i vyjavili apieratyŭniki ŭ instahramie. 

Jeŭdakimavu i Masłyku pravaabarončaja supolnaść pryznała palitviaźniami.

Antona siłaviki brali žorstka. Mašynu, u jakoj razam ź im jechała žonka i dzieci, spynili supracoŭniki DAI. Na vačach blizkich Antona skrucili, načapiŭšy kajdanki, a zatym kinuli ŭ śledčy izalatar.

Kaciaryna Jeŭdakimava, pavodle pravaabarončaha centra «Viasna», z 1 vieraśnia była pad chatnim aryštam.

14 kastryčnika sud Maskoŭskaha rajona vynies prysud pary pa abvinavačvańni ŭ «hrupavych dziejańniach, jakija hruba parušajuć hramadski paradak». Prakuror nastojvaŭ, kab im prysudzili pa paŭtary hady kałonii.

Sudździa Siarhiej Kacer adpraviŭ Antona na 1,5 hoda ŭ kałoniju ahulnaha režymu, a Kaciarynu pakaraŭ 3 hadami abmiežavańnia voli biez nakiravańnia ŭ papraŭčuju ŭstanovu.

Alena i Dźmitryj Paŭłovičy

Pavodle pravaabarončaha centra «Viasna», Alenu Paŭłovič (Čarnych) sudździa Michaił Makarevič z sudu Partyzanskaha rajona abvinavaciŭ u «hrupavych dziejańniach, što hruba parušajuć hramadski paradak» i adpraviŭ žančynu ŭ kałoniju ahulnaha režymu na 2 hady. Jaje muža, Dźmitryja Paŭłoviča, asudzili na 1,5 hoda.

Fota: staronka «Ukantakcie» Aleny Čarnych

Fota: staronka «Ukantakcie» Aleny Čarnych

Pravaabaroncy pišuć, što 34-hadovuju Alenu siłaviki schapili sioleta 26 lipienia i ŭtrymlivali da suda ŭ śledčym izalatary. Tam znachodziŭsia i muž.

«Alena — haspadynia sałonu druku «Lisa» z Barysava. Pry vobšuku siłaviki prymusili žančynu ździrać sa ściany bieł-čyrvona-biełyja špalery», — adznačajecca ŭ paviedamleńni pravaabaroncaŭ.

U praŭładnych telehram-kanałach źjaviłasia videa z tym, jak Alena ździraje ŭ svaim sałonie špalery. U pamiaškańni siłaviki pieraviarnuli ŭsio dahary nahami. U «pakajannym» videa pradprymalnica i jaje muž kažuć, što ŭletku 2020 hodu ŭdzielničali ŭ pratestach.

Fota: t.me/viasna96

Fota: t.me/viasna96

Spačatku Alenu ŭtrymlivali «na sutkach», a paźniej pieraviali ŭ SIZA-1. Jejnamu mužu adrazu prysudzili 14 dzion administracyjnaha aryštu, a potym taksama adpravili ŭ śledčy izalatar.

Alena Paŭłovič pryznanaja pravaabarončaj supolnaściu palitźniavolenaj. Dzieci znachodziacca pad pryhladam babuli.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?