Fota: AR
«Kožnyja 48 hadzin adbyvajecca chiernia»
«Strach pierad im da ŭsrački. Ale heta strach biez pavahi. Pavahi [da Pucina] niama ŭžo paru-trojku hadoŭ», — kaža surazmoŭca «Mieduzy», blizki da ŭrada.
Pra takija ž nastroi ŭ kabiniecie ministraŭ raspaviali jašče dva surazmoŭcy, blizkija da ŭrada, i adna krynica, blizkaja da Kramla.
Pa ich słovach, staŭleńnie da Pucina rezka sapsavałasia paśla pavyšeńnia piensijnaha ŭzrostu ŭ 2018 hodzie, jakoje, pavodle sacapytańniaŭ, nie padtrymała bolšaść rasijan. Nastupstvy ad piensijnaj reformy, uzhodnienaj i ŭchvalenaj samim Pucinym, Kreml pierakłaŭ mienavita na ŭrad.
U nastupnyja hady situacyja tolki paharšałasia. Pa słovach surazmoŭcaŭ «Mieduzy», pastupova Pucin pierastaŭ papiaredžvać ministraŭ pra toje, što mienavita jon płanuje zrabić u najbližejšaj abo addalenaj budučyni.
«Jašče niadaŭna vice-premjery i ministry pracavali dla prezidenta chacia b «huhłam». Jon im ahučvaŭ scenaryi, jakija ličyŭ vierahodnymi, i pytaŭsia: «A kali tak zrabić — jakich nastupstvaŭ čakać? A kali tak — što potym budzie?» Ciapier hetaha niama», — raspaviadaje krynica, blizkaja da ŭrada.
Pavodle jaje, paśla pačatku pandemii kavidu Pucin, jaki vielmi baicca za svajo zdaroŭje, kančatkova admoviŭsia ad kansultacyj z uradam, i ŭsie klučavyja rašeńni pačaŭ prymać sam paśla karotkaha abmierkavańnia z samym «blizkim kołam» (ličycca, što ŭ jaho ŭvachodzić kiraŭnictva śpiecsłužbaŭ i siłavych viedamstvaŭ).
Fota: AR
«[Paśla pačatku pandemii] usio zvalvajecca na hałavu biez papiaredžańniaŭ», — kaža adzin z surazmoŭcaŭ «Mieduzy».
U jakaści prykładu krynicy pryvodziać «miery padtrymki» rasijan, jakija stali miemam, padčas kavidu — a mienavita «niepracoŭnyja dni z zachavańniem zarobku» i padtrymku šmatdzietnych siemjaŭ.
«Prezident moža [padobnaje] niečakana zajavić. [Zrabić] žest šyrokaj dušy, tak by mović. A potym pačynajecca lichamankavy pošuk [hrošaj na jaho vykanańnie] — adkul ich vydrać», —rastłumačyła adna z vysokapastaŭlenych krynic «Mieduzy».
Pavodle jaje śćviardžeńnia, jašče niekalki hadoŭ tamu Pucin dziejničaŭ supraćlehłym čynam: spačatku vysłuchoŭvaŭ prapanovy ad viedamstvaŭ, zatym vybiraŭ, jakaja prapanova padajecca jamu aptymalnaj.
Razam z tym blizkija da ŭrada surazmoŭcy vydańnia adznačyli, što ministry nie rašajucca spračacca z Pucinym navat pry samych «niečakanych» rašeńniach. I robiać heta mienavita z-za strachu: «Kali aryštavali Ulukajeva, usie ŭsio zrazumieli».
Blizkija da ŭrada krynicy dadali: hety ž strach — a taksama niežadańnie Pucina čuć ad padnačalenych ab prablemach — pryvodzić da taho, što mnohija čynoŭniki surjozna prycharošvajuć rečaisnaść u dakładach prezidentu. Naprykład, nie paviedamlajuć pra realnyja nastupstvy sankcyj dla ekanomiki.
«Kožnyja 48 hadzin adbyvajecca niejkaja chiernia, nichto tołkam ničoha nie razumieje. Da vykanaŭcaŭ usio davodzicca ŭ apošni momant», — jomista apisała situacyju krynica «Mieduzy», blizkaja da Kramla.
«Prajhravać jon nie ŭmieje. Pryznavać, što prajhraje, — tym bolš»
Usie hetyja prablemy pahoršylisia paśla pačatku vajny. Mnohija, navat samyja vysokapastaŭlenyja čynoŭniki da apošniaha momantu nie viedali pra pačatak poŭnamaštabnaha ŭvarvańnia. Akramia taho, pavodle acenki krynic, paśla 24 lutaha prezident straciŭ cikavaść da «mirnych spraŭ», a jaho «blizkaje koła» stała jašče bolš ciesnym.
«Zadavolenych Pucinym, napeŭna, amal niama. Biźnies i mnohija členy ŭrada niezadavolenyja tym, što prezident pačaŭ vajnu, nie padumaŭšy pra maštaby sankcyj. «Jastrabaŭ» nie zadavalniajuć tempy «śpiecapieracyi». Jany dumajuć, što možna dziejničać bolš rašuča», — kazała ŭ mai 2022-ha krynica, blizkaja da Kramla.
Praź miesiacy nastroi hramadzianskich čynoŭnikaŭ i «jastrabaŭ» mała źmianilisia. Pry hetym pazicyja Pucina — pa miery taho, jak niaŭdačy Rasii na froncie rastuć, — drejfuje ŭ bok «partyi vajny» (prychilnikaŭ dalejšaj eskałacyi), a nastroj pradstaŭnikoŭ «partyi miru» staŭ jašče bolš piesimistyčnym.
Fota: AR
Surazmoŭca «Mieduzy», blizki da ŭrada, udakładniŭ, što pracy ŭ kabinieta ministraŭ z tych časoŭ tolki dadałosia:
«Abvieščanaja mabilizacyja, a hrošaj na jaje ŭ biudžecie, naturalna, nie zapłanavana».
Krynicy, blizkija da Kramla, a taksama surazmoŭca, znajomy ź ludźmi, jakija ŭvachodziać u asiarodździe Pucina, adznačyli, što ciapier prezident «nie moža dać vobraz budučyni» navat samym vysokapastaŭlenym čynoŭnikam i najbujniejšym biznesmienam: «Hetyja ludzi ciarpiać z-za sankcyj, stračvajuć vielizarnyja srodki. Ale im zusim niezrazumieła, ci zmoža Kreml usio heta kampiensavać».
U vyniku, ličać surazmoŭcy «Mieduzy», «viertykal ułady» ŭ Rasii pačynaje «płyści i razvalvacca».
Naprykład, rasijskija hubiernatary prynialisia adkryta zajaŭlać, što ŭ ich niama hrošaj na vykanańnie abiacańniaŭ Maskvy, a stvaralnik «PVK Vahnier» Jaŭhien Pryhožyn i kiraŭnik Čačni Ramzan Kadyraŭ adkryta (i vielmi žorstka) krytykujuć siłavyja viedamstvy.
«Ciapier, naprykład, [mer Maskvy Siarhiej Sabianin] abjaŭlaje, što biudžet horada akaža padtrymku siemjam mabilizavanych. Takija rekamiendacyi pastupili z AP i inšym hubiernataram, kab tyja źmianšali sacyjalnuju napružanaść. Ale hrošaj u bolšaści kiraŭnikoŭ na heta niama. A dziejańni Sabianina kalehi ź inšych rehijonaŭ usprymajuć, chutčej, niehatyŭna: «Idzi ty, Siarhiej Siamionavič, sa svaim pijaram», — patłumačyła krynica, blizkaja da AP.
Jak i ŭ vypadku z supracoŭnikami ŭrada, rasijskija vysokapastaŭlenyja čynoŭniki nie dazvalajuć sabie niehatyŭna vykazvacca ŭ bok Pucina, adznačajuć surazmoŭcy «Mieduzy». «Chto ž jaho pasadzić? Heta ŭžo pomnik», — iranizuje adzin ź ich.
Jak «pomnik» źbirajecca zakančvać vajnu, pradstaŭnikam rasijskaha isteblišmientu niezrazumieła. Niekalki vysokapastaŭlenych surazmoŭcaŭ «Mieduzy» taksama adčuvajuć tryvohu z nahody razvah Pucina pra jadzierny udar na fonie pośpiechaŭ ukrainskaj armii na froncie.
«Prajhravać jon nie ŭmieje, — kaža adzin ź ich. — Pryznavać, što prajhraje, — tym bolš».
