Fota: CabinetBelarus / Telegram
Na pieršym pasiadžeńni byŭ prapracavany abaronny błok stratehii, u tym liku:
▪️ dapracavany płan «Pieramoha», vyjaŭlenaja stupień jaho hatoŭnaści da aktyvacyi, pryniataje rašeńnie pra pačatak padrychtoŭki hramadskaści da realizacyi płana;
▪️ da pracy Kabinieta dałučanyja niekalki dziejnych pradstaŭnikoŭ siłavych viedamstvaŭ z aficerskim zvańniem;
▪️ dapracavany płan pa adkryćci centraŭ padrychtoŭki ŭdzielnikaŭ mierapryjemstvaŭ pa adnaŭleńni zakonnaści i pravaparadku ŭ Respublicy Biełaruś (charuhvaŭ) pad kiraŭnictvam pradstaŭnikoŭ Kabinieta Alaksandra Azarava i Valeryja Sachaščyka, z dałučeńniem da ich pracy pradstaŭnicy Kabinieta Aliny Koŭšyk z metaj znajomstva ŭdzielnikaŭ charuhvaŭ z nacyjanalnaj kulturaj i historyjaj;
▪️ abmierkavany płan materyjalna-techničnaha zabieśpiačeńnia biełaruskich dobraachvotnikaŭ va Ukrainie.
Taksama byli abmierkavanyja:
▪️ kandydatury na pasadu pradstaŭnika Kabinieta pa sacyjalnych pytańniach;
▪️ naładžvańnie aficyjnych adnosin z Ukrainaj;
▪️ uzmacnieńnie mižnarodnaj kaalicyi dla padtrymki Biełarusi ŭ pierachodny pieryjad: mižnarodnaje pryznańnie Kabinieta i zdabyćcio finansavaj padtrymki dla Biełarusi.