Fota: Ofis prezidenta Ukrainy
«Rasija nie choča vieści pieramovy — jana tolki stavić ultymatumy. Kali rasijskaje vojska pakinie ŭsiu terytoryju Ukrainy, uklučajučy Krym, pieramovy mohuć adnavicca».
Daradca kiraŭnika ofisa prezidenta taksama padkreśliŭ, što abjaŭleńnie Rasijaj anieksii akupavanych joju Chiersonskaj, Zaparožskaj, Łuhanskaj i Danieckaj abłaściej, jak i praviedzienyja na hetych terytoryjach psieŭdarefierendumy, ničoha nie mianiajuć dla Ukrainy. Pa słovach Padalaka, hetyja rehijony byli i zastajucca ŭkrainskimi, i USU buduć zmahacca za ich vyzvaleńnie.
Havoračy ab pahrozach RF prymianić jadziernuju zbroju, pradstaŭnik AP adznačyŭ, što vierahodnaść jadziernaha kanfliktu nievysokaja, ale jana jość.
Pa słovach Padalaka, kali śviet dapuścić poŭny krach mižnarodnaj jadziernaj biaśpieki, to katastrafičnyja nastupstvy buduć nie tolki dla Ukrainy.
Pry takich umovach hłabalny adkaz na mahčymuju atamnuju ataku daviadziecca davać, u tym liku i ŭ ramkach ES i NATA, pierakanany pradstaŭnik AP.
Prezident Ukrainy Uładzimir Zialenski napiaredadni zajaviŭ, što Ukraina nie hatovaja vieści pieramovy ź ciapierašnim prezidentam Rasii Uładzimiram Pucinym.
