Za asabistuju mužnaść i hieraizm, prajaŭlenyja ŭ abaronie dziaržaŭnaha suvierenitetu i terytaryjalnaj cełasnaści Ukrainy, viernaść vajskovaj prysiazie pastanaŭlaju: prysvoić zvańnie Hieroj Ukrainy i ŭdastoić ordena «Załataja Zorka» Savie Siarhieju Alaksandraviču — staršamu sałdatu (paśmiarotna), — havorycca ŭ tekście ŭkaza prezidenta Ukrainy.
Paśla taho, jak fota ruki ź Iziuma ablacieła ŭvieś śviet, syn Hieroja Ukrainy, 14-hadovy Marat Sava, źviarnuŭsia da Uładzimira Zialenskaha z prośbaj pasadziejničać bolš chutkaj pieradačy cieła baćki dla pachavańnia. U hetym ža liście syn Hieroja Ukrainy zaznačyŭ, što budzie mieć za honar atrymać z ruk prezidenta paśmiarotnuju ŭznaharodu dla svajho baćki.
Siarhiej Sava vajavaŭ za Ukrainu z 2014 hoda. Tady jon abaraniaŭ Piaski i dastaŭlaŭ bojeprypasy ŭ Daniecki aeraport. Praz hod demabilizavaŭsia, ale potym viarnuŭsia na front. Sava atrymaŭ niamała ŭznaharod za svaju słužbu. A paśla pačatku poŭnamaštabnaha ŭvarvańnia Rasii jaho razam z pabracimami adpravili na Iziumski napramak.
Z pačatkam poŭnamaštabnaha ŭvarvańnia Siarhiej Sava znoŭ pajšoŭ baranić Ukrainu. Ź pieršaj pajezdki na front u 2014 hodzie na jahonaj ruce byŭ sinie-žoŭty branzalet. Jak raskazvała jaho žonka Aksana, jaho baćku padaryli dzieci.