U pierapiscy, jakaja pačałasia 14 vieraśnia, źniavoleny paviedamlaje, što viarboŭščyki zabirajuć z kałonii asudžanych pa šerahu artykułaŭ KK: zabojstva, ciažkija cialesnyja paškodžańni, rabavańnie i razboj.
Aściarožna! U skrynšotach jość niecenzurnaja leksika.
«Vyklikajuć na vachtu — i ŭsio: tam hruziać u varanok — i na aeradrom», — apisvaje prymusovuju mabilizacyju źniavoleny.
Pry hetym źniavolenym pa-raniejšamu abiacajuć hrošy i amnistyju.
Pa źviestkach SOTA, sama mahčymaść vyvazu źniavolenych z kałonij na vajnu afarmlajecca jak etapavańnie dla taho, kab ździajśniać śledčyja dziejańni pa linii SK i FSB, čyje supracoŭniki ciapier pracujuć na kantralavanych Rasijaj terytoryjach Ukrainy.
Dniami źjaviłasia videa viarboŭki kiraŭnikom «Vahniera» Jaŭhienam Pryhožynym źniavolenych u PK-6 Maryj Eł. Sam Pryhožyn udzieł źniavolenych u vajnie nie admaŭlaje.