Pra dziŭny incydent, jaki adbyŭsia siońnia ŭ rajonie 14 hadzin, paviedamiŭ Onlíner adzin z čytačoŭ. Pa słovach minčuka, u handlovym centry «Mietrapol» (Niamiha, 5) nieviadomy małady čałaviek pasiek siakieraj kaviarniu: «Kaviarnia raźmieščanaja na druhim paviersie budynka. Jak i z-za čaho zdaryŭsia hety incydent, ja nie viedaju. Ubačyŭ tolki, što małady chłopiec, hadoŭ 16 lažyć na padłozie (jaho skruciŭ AMAP). U budynku šmat milicyi».
Barysta, jaki pracavaŭ u kaviarni, nie paciarpieŭ.
— Napadnik čamuści byŭ bosy. Pobač ź im znachodziŭsia jaho brat, jaki ŭsialak jaho supakojvaŭ. Adznaču, što siakiera, ź jakoj jon pryjšoŭ, vielmi vialikaja, — udakładniŭ naviedvalnik HC.
— Budynak pracuje, naviedvalnikaŭ puskajuć, z hetym nijakich prablem. Adzinaje niezvyčajnaje: na druhim paviersie, kala kaviarni, znachodziacca supracoŭniki Śledčaha kamiteta, — paviedamiŭ jašče adzin čytač.
Važna adznačyć, što vitryna i inšyja šklanyja pavierchni ŭ kaviarni nie paciarpieli. Pad haračuju ruku ź siakieraj patrapili tolki kresły. Ciapier na miescy pravodziacca śledčyja dziejańni, apytvajucca śviedki.
— Chłopiec zusim małady, nie viedaju, pad čymści jon byŭ ci ŭ zdarovym hłuździe dziejničaŭ, — raspaviadaje barysta. — Strašna nie było, prosta razumieŭ, što treba jaho abiasškodzić, pakul nichto nie paciarpieŭ.
