Mužčynu abvinavacili pavodle niekalkich artykułaŭ KK:
— č. 1 art. 289 — akt teraryzmu; č. 2 art. 289 — akt teraryzmu, ździejśnieny paŭtorna;
— č. 2 art. 295 — niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ;
— č. 1 art. 295−1 — niezakonnyja dziejańni ŭ dačynieńni da pradmietaŭ, dziejańnie jakich zasnavanaje na vykarystańni haručych rečyvaŭ.
Pavodle śledstva, 34-hadovy žychar Barysava ŭčyniŭ padpały dvuch partałaŭ sistemy «BiełToł» pa zboru płaty za prajezd pa darohach u Barysaŭskim rajonie.
Pra zatrymańnie Trubina stała viadoma letaś u žniŭni. Da suda jaho źmiaścili pad vartu. Naniesienaja Trubinym škoda papiarednie skłała 450 tysiač rubloŭ, paviedamlaŭ SK.
U svajoj matyvacyi abvinavačany, jak zajaŭlała śledstva, kiravaŭsia zaklikami roznych internet-resursaŭ ab naniasieńni škody infrastruktury.
Illa Trubin — były supracoŭnik KDB, maje dvaich dziaciej.
Na pieršym sudovym pasiadžeńni pavodle prapanovy abvinavačańnia praces nad im zrabili zakrytym.
Niadaŭna stała viadoma, što sudździa Dźmitryj Kryvieła pakaraŭ Trubina 16 hadami źniavoleńnia.
Raniej abvinavačanaha ŭnieśli ŭ «śpis terarystaŭ».
