03.09.2022
/ 19:14 / Ałharytmičny łacinski varyjant
«Źbiraŭ kala Pinska źviestki ab raźmiaščeńni voinskich čaściej». Drahičynca asudzili da troch hadoŭ kałonii
U Bresckim abłasnym sudzie 1 vieraśnia vynieśli prysud 33-hadovamu ŭradžencu Drahičyna Antonu Maluhu pa dvuch artykułach Kryminalnaha kodeksa: č. 1 art. 361-4 (sadziejničańnie ekstremisckaj dziejnaści) i č. 1 art. 375-1 (niezakonnaje źbirańnie źviestak, jakija składajuć dziaržaŭnyja sakrety). Mužčynu abvinavacili ŭ tym, što jon u pieršyja dni vajny va Ukrainie «źbiraŭ kala Pinska źviestki ab raźmiaščeńni voinskich čaściej», na mapie Biełarusi adznačyŭ miesca raźmiaščeńnia voinskich čaściej i skinuŭ jaje čałavieku va Ukrainie, a taksama skidaŭ teksty ŭ «ekstremisckija telehram-bot». Suddzia Mikałaj Siańko asudziŭ Antona Maluhu da troch hadoŭ kałonii va ŭmovach ahulnaha režymu, piša «Bresckaja Viasna». Sud prachodziŭ u zakrytym režymie.
Raniej prakuratura paviedamlała padrabiaznaści hetaj kryminalnaj spravy. Tak, viadoma, što Antonu inkryminavali toje, što jon 27 lutaha 2022 hoda adasłaŭ u biełaruski telehram-bot teksty, jakija «mohuć być vykarystany ŭ ekstremisckaj dziejnaści», a 28 lutaha 2022 hoda «šlacham vizualnaha nazirańnia z sałona aŭtamabila», vyjechaŭšy ź Pinska, sabraŭ źviestki pra miescaznachodžańnie vajskovych častak dy padraździaleńniaŭ. Zatym adznačyŭ atrymanyja miescy na karcie dy adasłaŭ asobie, jakaja žyvie va Ukrainie.
Takija dadzienyja pra vajskoŭcaŭ paličyli dziaržsakretami dy źviestkami, jakija składajuć słužbovuju tajamnicu. Tamu dziejańni Maluhi kvalifikavali pa dvuch artykułach Kryminalnaha kodeksu Biełarusi: č.1 art. 361-4 (sadziejničańnie ekstremisckaj dziejnaści) i č.1 art. 375-1 (niezakonnyja źbirańnie abo atrymańnie źviestak, jakija składajuć dziaržsakrety).
Suddzia Mikałaj Siańko paličyŭ vinu mužčyny całkam dakazanaj i pryznačyŭ jamu try hady kałonii ahulnaha režymu.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
