Kreml raźviazaŭ hazavuju vajnu suprać Jeŭrasajuza bolš hoda tamu. Paśla lutaŭskaha ŭvarvańnia va Ukrainu rasiejski kiraŭnik Uładzimir Pucin jašče macniej prykruciŭ hazavy kran i pastaviŭ Jeŭropu pierad abliččam šmathadovaha enerhietyčnaha kryzisu histaryčnych maštabaŭ, piša Bi-bi-si.
Ciapier pra deficyt i narmavańnie spažyvańnia hazu zahavaryli nie tolki Jeŭrakamisija (faktyčna, urad ES) i Hiermanija — najbujniejšaja ekanomika i pramysłovy mator ES. Ab viejernych adklučeńniach užo zaikajecca Francyja — adzinaja jadziernaja i hałoŭnaja enierhietyčnaja dziaržava ES.
«Całkam vidavočna, što Rasija vykarystoŭvaje pastaŭki hazu ŭ jakaści zbroi ŭ hetaj vajnie. My abaviazanyja rychtavacca da horšaha scenaru poŭnaha adklučeńnia hazu», — skazała ŭ aŭtorak ministr enierhietyki Francyi Ańjes Pańje-Runaše ŭ efiry radyjostancyi France Inter.
A napiaredadni jaje načalnica, premjer-ministr Francyi Elizabet Born prapanavała ŭsim nieadkładna pačać ekanomić — inakš biznes čakajuć viejernyja adklučeńni, kab nie pakinuć nasielnictva bieź śviatła i ciapła.
«Pierad abliččam deficytu enierharesursaŭ budučaj zimoj nam zastajecca adno — skaracić spažyvańnie enierhii. Kali my hetaha nie zrobim, daviadziecca žorstka narmiravać haz, što paciahnie ekanamičnyja i sacyjalnyja nastupstvami», — skazała jana.
ES rychtujecca pražyć zimu biez «Hazprama», ale pakul nie razumieje, jak heta zrabić. Ministry enierhietyki 27 krain ES — druhoj paśla ZŠA suśvietnaj ekanomiki i najbujniejšaha palityčnaha sajuza na płaniecie z nasielnictvam 450 młn čałaviek — źbiarucca na ekstrannuju naradu 9 vieraśnia, kab abmierkavać, jak pražyć zimu, i nie adnu.