Livierpulski «Eviertan» – supiernik barysaŭskaha BATE pa Lizie Jeŭropy – atrymaŭ treciuju bujnuju pieramohu zapar.
23 vieraśnia ŭ matčy 3-ha raŭndu Kubku Lihi (nie błytać z najstarejšym futbolnym turniram śvietu Kubkam Anhlii)
«iryski» ŭ haściach razhramili «Chałł Sici» ź likam 4:0. Vyznačylisia Viktar Aničebie, Den Hoślinh, Žo, Leon Asman.
Nahadajem, što tydzień tamu, u matčy pieršaha turu Lihi Jeŭropy padapiečnyja Devida Mojesa razhramili ŭ Livierpuli hrecki AJEK – 4:0, a ŭ minułuju niadzielu ŭ matčy premjer-lihi -– «Błekbiern» – 3:0.
U nastupnym tury anhlijskaha čempijanatu «Eviertan» 27 vieraśnia zhulaje ŭ haściach suprać absalutnaha aŭtsajdera sioletniaha pieršynstva – «Portsmuta».
Matč BATE – «Eviertan» projdzie 1 kastryčnika na minskim stadyjonie «Dynama» (pačatak a 20-j). Ad piatnicy u kasy stadyjonaŭ u Minsku i Barysavie pastupiać bilety.
U sieradu, 23 vieraśnia, u matčy čempijanatu Hrecyi AJEK na svaim poli prajhraŭ «Alimpijakasu» – 1:2. Zaraz kłub zajmaje ŭ čempijanacie 4-je miesca, majučy siem bałaŭ (dźvie pieramohi, ničyja, paraza, bałans miačoŭ 5—3) paśla čatyroch hulniaŭ. Lidziruje z 12 bałami «Panacinaikas».
Z AJEKam BATE ŭ Minsku zhulaje 22 kastryčnika.
