Vypraboŭvańnie vadarodnaj bomby. Fota: getarchive.net
U časopisie Nature Food źjaviŭsia detalny analiz mahčymych nastupstvaŭ jadziernaj zimy. Tak nazyvajuć hipatetyčnuju źjavu, kali paśla abmienu jadziernymi ŭdarami pačnucca vializnyja vohniennyja bury i ŭ atmaśfieru trapić dastatkova sažy, kab soniečnyja promni nie traplali da ziamli, piša The Times.
U vyniku tempieratura na ziamnoj pavierchni źnizicca na praciahły čas, i heta moža mocna pavialičyć kolkaść achviar kanflikta. Akramia tych, chto zahinie niepasredna ad jadziernych udaraŭ, u kolkaść zahinułych mohuć trapić kala 5 miljardaŭ čałaviek, jakija zahinuć u bližejšyja hody paśla ataki ad jaje ŭpłyvu na klimat i sielskuju haspadarku.
Navat adnosna mały jadzierny kanflikt — naprykład, pamiž Pakistanam i Indyjaj — moža pryvieści da bolš čym miljarda śmierciaŭ praz vyklikany jadziernaj zimoj hoład, i bolšaść hetych śmierciaŭ buduć mieć miesca daloka ad krain-udzielnic kanflikta. Dadadzim da hetaj ličby jašče 50-100 miljonaŭ tych, chto zahinie niepasredna ad jadziernych udaraŭ.
Navukoŭcy śćviardžajuć, što va ŭmovach jadziernaj zimy bolšaść krain i blizka nie zdolejuć prakarmić svajo nasielnictva. Naprykład, Jeŭropa, Azija i Paŭnočnaja Amieryka, pa mierkavańni vučonych, zhubiać u vyniku hołada nie mienš čym 80% svajho nasielnictva. Dla Biełarusi ličba zahinułych uvohule składzie 100%.
Ale ž jość krainy, dzie ŭvohule nichto nie zahinie ad jadziernaj zimy. Heta Arhientyna, Aŭstralija i niekatoryja terytoryi ŭ centralnaj Afrycy. U hetych krainach vyroščvajuć u vialikaj kolkaści bolš ustojlivyja ziernievyja kultury (naprykład, pšanicu), i nasielnictva hetych krain nie nadta vialikaje. Ź inšaha boku, i tam, chutčej za ŭsio, pačnucca prablemy ŭ vypadku suśvietnaha hoładu — naprykład, u hetyja krainy jaŭna pajeduć miljony biežancaŭ.
«Kazać, što my ŭsie pamrem, — dakładna niapravilna». Ekśpiert pra mahčymyja nastupstvy jadziernaj vajny
Stvareńnie jadziernaj zbroi: ad «vajennaha» atama da «mirnaha» i nazad?
Što budzie rabić Zachad, kali Pucin naniasie jadzierny ŭdar? Jość try varyjanty, adzin ź ich katastrafičny dla Biełarusi
