Sposab Chanta, pavodle jaho słoŭ, nakiravany na toje, kab prymusić spamieraŭ vydatkavać čas na biessensoŭnyja dziejańni — hetak ža, jak zvyčajnyja ludzi marnujuć svoj čas na čytańnie spamu. «Pakarańnie pavinna adpaviadać złačynstvu», — adznačyŭ prahramist.
Chant stvaryŭ u svajoj skryncy admysłovuju papku dla listoŭ ad spamieraŭ z prapanovami ab supracoŭnictvie, jakuju nazvaŭ «Čyściliščam parolaŭ». Na ŭsie listy, jakija jon pierakidaje ŭ hetuju papku, napisany im skrypt aŭtamatyčna vysyłaje zvarotny list, jak byccam by składzieny čałaviekam. U im havorycca, što Chant zacikaviŭsia vykładzienaj u spamierskim liście prapanovaj i spadziavajecca na paśpiachovaje supracoŭnictva.
U liście ŭtrymlivajecca prośba pakinuć svaje kantakty, što zojmie, jak śćviardžajecca, «litaralna adnu siekundu». Kali spamier klikaje na adpaviednuju spasyłku, jon traplaje na sajt Troja Chanta, dzie ad jaho prosiać zarehistravacca — uvieści elektronny adras i prydumać parol.
Mienavita ŭ paroli i zaklučajecca pastka, prydumanaja Chantam.
Paśla taho jak spamier prydumlaje jakoj-niebudź parol, sajt piša, što jon nie padychodzić, bo nie adpaviadaje patrabavańniam biaśpieki — naprykład, nie źmiaščaje vialikich litar. Kali spamier pierarablaje parol z ulikam hetaha patrabavańnia, sajt znoŭ piša, što jon nie padychodzić — bo ciapier nie adpaviadaje inšamu patrabavańniu. I heta praciahvajecca znoŭ i znoŭ — kožny raz, kali parol pierarablajecca, sajt Chanta patrabuje adpaviednaści jašče niejkim kryteryjam.
Patrabavańni da parola źjaŭlajucca ŭ vypadkovym paradku. Niekatoryja ź ich całkam standartnyja (naprykład, užo zhadanaja abaviazkovaja najaŭnaść zahałoŭnaj litary, najaŭnaść choć by adnaho śpiecyjalnaha simvała abo daŭžynia nie mienšaja za 8 simvałaŭ), ale bolšaść ź ich Chant zrabiŭ znarok ździeklivymi. Naprykład:
- parol nie pavinien zakančvacca na «!» ci «1»,
- parol nie pavinien utrymlivać simvałaŭ, jakija paŭtarajucca,
- parol pavinien utrymlivać chacia b adzin emodzi,
- parol pavinien utrymlivać chacia b adnu litaru ź niamieckim umlaŭtam,
- parol pavinien pačynacca ź litar «cat»,
- parol pavinien zakančvacca litarami «dog»,
- parol pavinien utrymlivać chacia b adno imia piersanaža multsieryjała «Hryfiny»,
- parol pavinien ujaŭlać ź siabie palindrom.
Asabliva zaciatych spamieraŭ, jakija vykanajuć usie patrabavańni, u kancy čakaje pamyłka: «Vaš parol nie padychodzić, tamu što niechta ŭžo vykarystaŭ hety parol».
Chant taksama napisaŭ skrypt, jaki dazvalaje jamu adsačyć, jak doŭha spamier, jaki trapiŭ u jaho pastku, sprabuje prydumać prydatny parol i jakija varyjanty jon uvodzić. «Nikoli ja nie byŭ tak uschvalavany, praviarajučy svaju niepažadanuju poštu», — napisaŭ prahramist paśla taho, jak jaho skrypt pačaŭ pracavać.
Jon taksama padzialiŭsia pieršym paśpiachovym prykładam pracy pastki: niejki spamier pravioŭ na jaho sajcie 80 siekund i za hety čas prydumaŭ šeść parolaŭ. Paśla patrabavańnia dadać ličby da parola, jaki, u adpaviednaści z papiarednimi patrabavańniam, užo pačynaŭsia ź vialikaj litary i ŭtrymlivaŭ słovy «cat» i «dog», spamier pakinuŭ sajt.
