Ukrainskija dzieci. Fota: AP
Pienzienski sud asudziŭ na 5 hadoŭ pazbaŭleńnia voli ŭmoŭna nastaŭnicu Irynu Hien. Na praciahu troch hadoŭ joj taksama budzie zabaroniena vykładać, paviedamlaje «Bi-bi-si».
Historyja Hien stała viadomaja jašče ŭ kancy sakavika: nastaŭnica, jakaja pracavała ŭ vučyliščy alimpijskaha reziervu ŭ Pienzie, na ŭroku raskrytykavała vajnu.
Vaśmikłaśniki spytali jaje, čamu ich nie dapuścili da spabornictvaŭ u Jeŭropie, kudy jany źbiralisia jechać. U adkaz nastaŭnica patłumačyła, što Rasija stała krainaj-izhojem, bo suśvietnaja supolnaść «ździŭlenaja, jak cyvilizavanamu śvietu možna tak siabie pavodzić». Jana kazała, što Ukraina — samastojnaja dziaržava, a Rasija choča źvierhnuć urad inšaj krainy, i heta niedapuščalna. «U nas tatalitarnaja dziaržava, — skazała nastaŭnica. — Luboje inšadumstva ličycca dumkazłačynstvam. My ŭsie pajedziem na 15 hadoŭ. I ja zaraz adjedu na 15 hadoŭ».
Chtości z vučniaŭ zapisaŭ jaje słovy na dyktafon, jany trapili da siłavikoŭ, paśla čaho na nastaŭnicu zaviali adnu ź pieršych kryminalnych spraŭ za «fejki» ab dziejańniach uzbrojenych sił.
