Były pasoł, praŭda, adznačyŭ, što nie viedaje, ci atrymajecca ŭ jaho asabista sustrecca z Šolcam, kab paprasić prabačeńnia.
Pry hetym Mielnik padkreśliŭ, što, niahledziačy na žadańnie vybačycca, jon ličyć apraŭdanaj svaju krytyku na adras uładaŭ Hiermanii, jakija jon paprakaŭ u niedastatkova aktyŭnaj dapamozie Ukrainie.
«Časam, prynamsi ŭ mianie, składvałasia ŭražańnie, što nieabchodna pavyšać hołas i, mahčyma, taksama krytykavać. Biez hetaha, ja dumaju, niamieckaje hramadstva, mahčyma, nie da kanca ŭśviadomiła b surjoznaść momantu», — zajaviŭ jon.
Kanclera Hiermanii Ołafa Šolca Mielnik nazvaŭ «pakryŭdžanaj liviernaj kaŭbasoj» na pačatku maja ŭ adkaz na jaho niežadańnie jechać u Kijeŭ z-za taho, što pierad tym tam admovilisia pryniać fiederalnaha prezidenta Hiermanii Franka-Valtera Štajnmajera. Paźniej Mielnik adkrytym tekstam pasłaŭ da djabła niamieckich intelektuałaŭ, jakija vystupili z adkrytym listom, u jakim pisali pra nieabchodnaść spynieńnia padtrymki Ukrainy i zamireńnia z Pucinym.
