Fota: LHV Pank
«Praviadzieńnie płaciažoŭ, źviazanych z Rasijaj i Biełaruśsiu, stała vielmi składanym i ryzykoŭnym z-za abmiežavańniaŭ, nakładzienych ŭstanovami-pasiarednikami pa płaciažach. Tamu LHV vyrašyŭ spynić pryjom ŭvachodnych płaciažoŭ z Rasii i Biełarusi ŭ dadatak da raniejšych abmiežavańniach na vychodnyja płaciažy», — paviedamlaje pres-słužba banka.
Zabarona zakranie ŭsie valuty i ŭsie daččynyja kampanii rasijskich i biełaruskich bankaŭ, jakija mohuć być zarehistravanyja abo vieści dziejnaść za miežami Biełarusi i Rasii. Płaciažy, atrymanyja paśla 9 žniŭnia, buduć viartacca adpraŭnikam.
Bank budzie prymać płaciažy tolki ŭ vyklučnych vypadkach, źviazanych z nacyjanalnymi intaresami Estonii abo sacyjalnymi pryčynami (naprykład, vypłata piensij).
Dla atrymańnia piensij abo sacyjalnaj dapamohi ź Biełarusi ci Rasii bank rekamienduje źviarnucca ŭ Departamient sacyjalnaha strachavańnia Estonii.
