«Vopyt vašaj krainy ŭ roznych halinach pa-raniejšamu cikavy i značny dla Biełarusi, isnujuć dobryja pierśpiektyvy dalejšaha raźvićcia supracoŭnictva, niahledziačy na ŭsie časovyja składanaści. Na žal, padtrymka šviejcarskim bokam niespraviadlivaj i niedružalubnaj sankcyjnaj palityki ES u dačynieńni da Respubliki Biełaruś stvaraje istotnuju pieraškodu dla narmalizacyi adnosin pamiž našymi dziaržavami. Sankcyi viaduć da pasłableńnia i razryvu dziełavych suviaziaŭ, staviać pad pahrozu realizacyju pierśpiektyŭnych sumiesnych prajektaŭ, niehatyŭna adbivajucca na hramadzianach Biełarusi i Šviejcaryi — pracadaŭcach, rabotnikach i ich siemjach», — napisana ŭ vinšavańni Łukašenki.
Jon taksama vykazaŭ pierakananaść, što viartańnie dvuchbakovych kantaktaŭ i ŭ rečyšča kanstruktyŭnaha dyjałohu mahčymaje, ale dla hetaha treba prytrymlivacca pryncypaŭ uzajemnaj pavahi, bieź biez štučnych abmiežavańniaŭ i barjeraŭ.
Šviejcaryja na pačatku hetaha hoda prysłała ŭ Biełaruś novaha pasła, Kryścinu Choniehier-Załatuchin. 18 lutaha była vyzvalenaja palitźniavolenaja Natalla Chierše, jakaja maje biełaruskaje i šviejcarskaje hramadzianstva.
