U Tahanskim rajonie Maskvy znajšli miortvym hienierał-majora FSB u adstaŭcy Jaŭhiena Łabačova, paviedamiła krynica «RBK» u terytaryjalnym adździele palicyi i krynica TASS u pravaachoŭnych orhanach. Jamu było 76 hadoŭ.
Žonka Łabačova paviedamiła ŭ palicyju, što toj pajšoŭ z domu i nie viarnuŭsia, a paźniej jana znajšła muža miortvym na leśvičnaj kletcy. Palicejskija vyjavili ŭ pamierłaha ranieńnie ŭ vobłaści hałavy.
Łabačoŭ, vidać, ździejśniŭ suicyd. Žonka hienierała raspaviała, što ŭ muža byli hałaŭnyja boli i jon naziraŭsia ŭ balnicy, pry hetym dyjahnaz joj nie viadomy. Svajaki pamierłaha paviedamili, što toj zajmaŭ u ich hrošy «pad vydumanymi padstavami» i ŭziaŭ niekalki kredytaŭ.
Łabačoŭ byŭ piensijanieram FSB u zvańni hienierał-majora z 1999 hoda i ličyŭsia vieteranam vajennaj słužby. Supracoŭniki palicyi znajšli ŭ jaho ŭ kvatery siejf z karabinam OP-SKS, strelbu MC 21-12, siem nažoŭ, uklučajučy ŭznaharodny korcik. U Łabačova taksama vyjavili mahazin dla pistaleta TT i patrony da jaho, dakumientaŭ na vałodańniem im nie było.
