Jana Pinčuk u sudzie. Fota Kanstancina Lankova, ZAKS.ru
U Biełarusi viciablanku abvinavačvajuć pa piaci artykułach: paklop (artykuł 188 KK), niezakonnyja dziejańni ź piersanalnymi danymi inšaj asoby (častka 3 častki 203-1 KK), raspalvańnie sacyjalnaj varožaści (častka 3 artykuła 130 KK), Stvareńnie i kiraŭnictva ekstremisckim farmavańniem (častka 1 i 2 artykuła 361-1 KK), zakliki da dziejańniaŭ suprać nacbiaśpieki (Častka 3 artykuła 361 KK), što moža pahražać da 20 hadoŭ źniavoleńnia, nahadvaje mediazona.by.
20 lipienia «Miediazona» pisała, što zdaroŭje Pinčuk pahoršyłasia. Pa słovach jaje muža Mikity Safronava, Pinčuk nie akazvajuć miedycynskuju dapamohu ŭ Pieciarburhskim SIZA-5. Jon taksama ŭdakładniŭ, što daviedaŭsia pra stan žonki ź lista. Pa słovach Safronava, Pinčuk chvareje «užo amal miesiac» i nie atrymlivaje nijakaj miedycynskaj dapamohi. Niahledziačy na tempieraturu ŭ 39 hradusaŭ, joj nie davali haračkapanižalnaha.
18 krasavika Rasija ŭchvaliła zapyt na ekstradycyju viciablanki ŭ Biełaruś. U pastanovie ab vydačy pakazana, što, pa viersii śledstva, jana kiravała tryma telehram-kanałami: «Viciebsk 97%», «Orša 97%» i «Navapołack i Połack 97%»; usie try pryznanyja «ekstremisckimi».
Tym nie mienš, 12 lipienia Kamitet pa pravach čałavieka AAN paprasiŭ Rasiju nie vydavać biełarusku Janu Pinčuk na radzimu. Advakatka abvinavačanaj Maryja Bialajeva tłumačyła, što heta byŭ pieršy vypadak umiašańnia struktury AAN u spravy ab departacyi z Rasii biełaruskich apazicyjanieraŭ.
