Ministerstva zamiežnych spraŭ Litvy
Zhodna z novymi rekamiendacyjami Jeŭrakamisii, Rasija moža transpartavać padsankcyjnyja tavary ŭ Kalininhrad pa čyhuncy praź Jeŭrasajuz, pry hetym krainy ES mohuć ažyćciaŭlać «efiektyŭny kantrol» i sačyć, kab abjomy tranzitu nie pieravyšali siarednija pakazčyki za apošnija try hady. Całkam zabaraniajecca tranzit sankcyjnych vajennych tavaraŭ i tavaraŭ dy technałohij padvojenaha pryznačeńnia i pieravozka padsankcyjnych tavaraŭ aŭtatranspartam.
Litva zajaŭlaje, što jana kiravałasia tłumačeńniami ES adnosna sankcyj, vydadzienymi ŭ krasaviku hetaha hoda, i ličyć ich «najbolš prymalnymi». Kamientujučy ž novyja tłumačeńni, MZS Litvy vitaje poŭnuju zabaronu na tranzit vajskovych tavaraŭ i tavaraŭ i technałohij padvojenaha pryznačeńnia, a taksama stanoŭča aceńvaje abmiežavańnie abjomu tranzitu na asnovie abjomaŭ za apošnija try hady.
Litva zajaŭlaje, što nie moža ihnaravać pazicyi i acenki svaich stratehičnych partnioraŭ i prytrymlivajecca skaardynavanaj sankcyjnaj palityki ES.
«Litva razumieje, što
apublikavanyja novyja sankcyjnyja rekamiendacyi ES mohuć stvaryć nieabhruntavanaje ŭražańnie, što transatłantyčnaja supolnaść źmiakčaje svaju pazicyju i sankcyjnuju palityku ŭ dačynieńni da Rasii. Litva praciahvaje vystupać za samyja strohija i samyja šyrokija formy prymianieńnia sankcyj ES.
Pradstaŭlenaja interpretacyja ES jasna daje zrazumieć, što dziaržavy-ŭdzielnicy niasuć jurydyčnaje abaviazacielstva harantavać, što sankcyi ES nie buduć abychodzić.
Tamu Litva budzie efiektyŭna zabiaśpiečvać prymianieńnie sankcyj šlacham starannaha manitorynhu, pryncypovaj acenki i efiektyŭnaj pravierki taho, ci nie sprabuje Rasija złoŭžyvać tranzitnymi mahčymaściami», — havorycca ŭ zajavie litoŭskaha MZS.
