Maci Ramana Bandarenki Alena. Raman byŭ žorstka źbity na Płoščy pieramien 11 listapada 2020 hoda i praz sutki pamior u balnicy.
Pra vydańnie knihi paviedamiŭ u svaim fejsbuku fatohraf Jaŭhien Atciecki. Jon — aŭtar fatahrafij, aŭtar tekstaŭ — Alesia Piesienka.
«Kala hoda my rupliva pracavali i voś narešcie ja mahu skazać — naša kniha pra Płošču pieramien adpraŭlajecca ŭ drukarniu. Heta značyć, što ŭ siaredzinie žniŭnia vydańnie ŭbačyć śviet. Niama słoŭ, kab pieradać majo aŭtarskaje chvalavańnie u pradčuvańni jaje vychadu. Kniha «PP» — heta chranałohija pieršych troch miesiacaŭ baraćby adnoj z samych viadomych u Biełarusi dvarovych supolnaściaŭ, jakaja sfarmavałasia na chvali pratestaŭ 2020. Heta historyja susiedziaŭ, jakija vyrašylisia vystupić suprać niespraviadlivaści: sfalsifikavanych prezidenckich vybaraŭ i niabačnaha dahetul pa maštabach uzroŭnia hvałtu z boku milicyi», — napisaŭ Jaŭhien Atciecki.
U knizie budzie 70 fatazdymkaŭ padziej i 13 asabistych historyj pa-biełarusku i pa-anhlijsku.
«Asobna adznaču, što historyja PP dla mianie asabistaja. Heta moj ułasny dvor, a Ściapan Łatypaŭ, Raman Bandarenka, a taksama hieroi knihi — maje susiedzi, ź jakimi ja paznajomiŭsia dziakujučy našaj supolnaj baraćbie. I ja vielmi chaču, kab ich namahańni byli zapisany ŭ historyi», — napisaŭ Jaŭhien Atciecki.
Staronki fotaknihi. Na fota žychary Płoščy pieramienaŭ u maskach z vyjavaj tvaru svajho susieda Ściapana Łatypava, niezakonna aryštavanaha 15 vieraśnia i paźniej asudžanaha na vosiem z pałovaj hadoŭ.
Staronka knihi. Historyja Paliny
Zaraz zapuščana kraŭd-kampanija pa zboru hrošaj na druk i vydańnie.
Na dadzieny momant jość dva asnoŭnyja varyjanty: zamova knihi z dastaŭkaj pa ŭsim śviecie abo samavyvaz u dzień prezientacyi (18 žniŭnia — Varšava, 23 žniŭnia — Vilnia). Padčas kraŭd-kampanii kniha budzie budzie kaštavać kala 20€. Z dastaŭkaj jašče dadatkova 10 jeŭra.
