U novym sudovym pracesie nad žurnalistkaj Kaciarynaj Andrejevaj abvieščany pierapynak na tydzień. Pasiadžeńni praciahnucca 13 lipienia. Z čym źviazanaja hetaja paŭza — nieviadoma, paviedamiŭ u sacsietkach jaje muž Ihar Iljaš.
Novy sud nad žurnalistkaj «Biełsata» pačaŭsia 4 lipienia. Joj vystavili abvinavačvańnie pavodle č. 1 art. 356 Kryminalnaha kodeksa («Zdrada dziaržavie»). Pavodle hetaha artykuła, joj pahražaje ad 7 da 15 hadoŭ źniavoleńnia.
Što kankretna inkryminujecca žurnalistcy i na asnovie jakich padziej uźnikła abvinavačvańnie — nieviadoma. Advakat Kaciaryny zastajecca pad strohaj padpiskaj ab nierazhałošvańni i nijakich akaličnaściaŭ nie moža raspavieści navat svajakam.
Kaciaryna Andrejeva była zatrymanaja razam z kalehaj Darjaj Čulcovaj 15 listapada 2020 hoda na «Płoščy pieramien» paśla akcyi ŭ pamiać pra Ramana Bandarenku i asudžanaja da dvuch hadoŭ kałonii. Na volu Kaciaryna pavinna była vyjści ŭ vieraśni hetaha hoda, adnak viasnoj stała viadoma pra novy sud.
Žurnalistku Kaciarynu Andrejevu znoŭ sudziać. Joj pahražaje da 15 hadoŭ
«Pierad snom Kacia źvierchu spuskała da mianie ruku, my trymalisia «za łapku». Sukamiernica napisała ciopłyja ŭspaminy pra Kaciarynu Andrejevu, jakuju sudziać paŭtorna
