Akcior, jaki hraŭ Draka Małfoja ŭ «Hary Potery», zapisaŭ videazvarot u padtrymku ŭkraincaŭ VIDEA
Tom Fełtan, viadomy pa roli Draka Małfoja ŭ filmach pra Hary Potera, zapisaŭ pasłańnie da ŭkraincaŭ. Rolik byŭ apublikavany ŭ akaŭncie fonda pa abaronie žyvioł UAnimals, jaki padtrymlivaje akcior.
«Heta admysłovaje pasłańnie dla advažnych ludziej Ukrainy, jakija nie pierastajuć natchniać. Navat u samyja ciomnyja časy dla ŭkraincaŭ, ich sercy dastatkova adkrytyja, kab sprabavać ratavać navat žyvioł», — skazaŭ jon.
U videa sceny ź filmaŭ pra Hary Potera šarahujucca z kadrami, źniatymi va Ukrainie, i vobraz Vałan-de-morta nakładzieny na zapisy zvarotaŭ Uładzimira Pucina.
