Takoje mierkavańnie vykazaŭ žurnalist Siarhiej Harmaš u efiry Radyjo NV.
Na dumku Harmaša, vorah maje namieru śćviardžać, što nibyta hetym zachodniaj zbrojaj zabivajuć mirnych žycharoŭ Daniecka.
Pry hetym jon padkreśliŭ, što Ukraina nie zacikaŭlenaja ŭ abstrełach hramadzianskich abjektaŭ časova akupavanaha horada. bo usie roŭna potym horad treba budzie adbudoŭvać.
Rasijskaja taktyka, pa słovach Harmaša, zaklučajecca ŭ tym, kab pakinuć paśla siabie vypalenuju ziamlu. Ukraina ž, dadaŭ jon, celić vyklučna ŭ vajennyja abjekty.
«Kali adsočvać publikacyi ŭ rasijskich ŚMI, to stanovicca zrazumiełym, dla čaho jany sami abstrelvajuć Danieck. Jany ciapier robiać upor nie na tym, što Danieck abstrelvajecca. <…> Ciapier jany robiać upor na toje, što Danieck i jaho mirnyja žychary hinuć ad zachodniaj zbroi. Heta zrazumieła, dla čaho robicca — kab abvinavacić Zachad u śmierciach cyvilnych i takim čynam vyklikać peŭny hramadski fon u zachodnich krainach, i spynić pastaŭki nam zbroi», — patłumačyŭ Harmaš.
Jak paviedamlałasia, apošnija tydni pad rasijskija abstreły traplajuć mnohija rajony Daniecka, u tym liku centr horada.
