Fota: priorbank.by
U samim banku dev.by paćvierdzili, što kamisija za zaličeńnie była pavialičanaja da 3% z 13 červienia. Da 1 červienia bank spahaniaŭ za zaličeńnie 1% ad sumy, a z 1 červienia da 13-ha — 1,8%. Infarmacyja źjaviłasia na sajcie banka ŭ raździele «Dakumienty i taryfy».
Pry hetym karystalniki pasłuhami aburajucca, što bank nie paviedamiŭ im rassyłkaj pra takuju važnuju źmienu, prytym što ŭ internet-bankinhu Pryjorbanka nie vyśviatlajecca infarmacyja pra poŭnuju sumu da źbirańnia kamisii i pamieru kamisii.
Adzin z čytačoŭ dev.by zaŭvažyŭ lišnija śpisańni tolki paśla atrymańnia zarobku. Jon pracuje jak fizasoba pa damovie hramadzianska-pravavoha charaktaru z klijentam z Rasii, i jamu ŭ paniadziełak uviečary pryjšła suma nie taja, jakuju jon čakaŭ, a z 3% kamisijaj. Pra toje, što ź jaho źniali 3% kamisii, klijent daviedaŭsia, tolki patelefanavaŭšy ŭ techpadtrymku banka. Dahetul ź jaho hetak ža sama biez papiaredžańnia śpisali i 1% kamisiju, ale tady čałaviek hetaha nie zaŭvažyŭ, bo suma była nie takoj vialikaj. Ciapier hety klijent źbirajecca pierajści ŭ Alfa-Bank, «dzie niama kamisij za zaličeńnie, a jość tolki za pieravody».
