Na jaho dumku, samo rašeńnie budzie vyniesienaje paźniej na asnoŭnym słuchańni. Jaho data pakul nie pryznačanaja. Sud budzie zakrytym.
Nahadajem, što razhrom Tut.by adbyŭsia hod tamu, 18 maja 2021 hoda, kali siłaviki pryjšli ź pieratrusam u ofis arhanizacyi i da 15 supracoŭnikaŭ, u tym liku hałoŭnaha redaktara Maryny Zołatavaj i hiendyrektara Ludmiły Čekinaj.
Sajt «Tutbaja» byŭ zabłakavany. Častka kamandy miedyja zmahła zachavacca i zapuścić novy navinny prajekt «Zierkało».
Jak paviedamlałasia tady, była zaviedzienaja kryminalnaja sprava ab uchileńni ad vypłaty padatkaŭ u asabliva bujnym pamiery (častka 2 artykuła 243 Kryminalnaha kodeksa).
Pretenzija da kiraŭnictva kampanii zaklučałasia ŭ tym, što, źjaŭlajučysia rezidentam Parka vysokich technałohij, «Tut Baj Miedyja» nibyta atrymała vyručku, nie abumoŭlenuju dziejnaściu, dazvolenaj rezidentam.
Na praciahu hoda mnohim z zatrymanych źmianili mieru strymańnia, ale nie źniali abvinavačvańni. Za kratami ciapier zastajucca Maryna Zołatava, Ludmiła Čekina i žurnalistka Alena Tałkačova.
U čym roźnica pamiž ekstremisckaj arhanizacyjaj i farmavańniem?
Z punktu hledžańnia biełaruskaha zakanadaŭstva, ekstremisckaja arhanizacyja i farmiravańnie — heta roznyja rečy z roznymi pravavymi nastupstvami.
U vypadku, kali arhanizacyja, zarehistravanaja na terytoryi Biełarusi, pryznajecca ekstremisckaj, jaje dziejnaść na terytoryi Biełarusi zabaraniajecca i jana likvidujecca na padstavie rašeńnia suda. Zakon dadatkova zabaraniaje vykarystańnie simvoliki i atrybutyki takoj arhanizacyi. Prymać takija rašeńni sudy mohuć pa zvarotach prakuratury. Taksama na majomaść arhanizacyi moža być nakładzieny aryšt.
Kryminalnaja adkaznaść praduhledžanaja tolki dla jurydyčnych asob abo indyvidualnych pradprymalnikaŭ pavodle art. 423-1 KK Biełarusi (nievykanańnie pastanovy ab pryznańni arhanizacyi, dziejnaści indyvidualnaha pradprymalnika ekstremisckimi). Naprykład, kali niejkaja kampanija raźmieścić na svaim płakacie łahatyp Tut.by, to jaje słužbovym asobam budzie pahražać štraf abo pazbaŭleńnie voli terminam da troch hadoŭ.
«Ekstremisckaje farmiravańnie» — heta «hrupa hramadzian, jakaja ažyćciaŭlaje ekstremisckuju dziejnaść, albo jakaja akazvaje inšaje sadziejničańnie ekstremisckaj dziejnaści, albo jakaja pryznaje mahčymaść jaje ažyćciaŭleńnia ŭ svajoj dziejnaści, albo finansuje ekstremisckuju dziejnaść». Status «ekstremisckaha farmavańnia» moža prysvoić MUS ci KDB.
Za stvareńnie, udzieł, finansavańnie ŭ ekstremisckim farmiravańni praduhledžana kryminalnaja adkaznaść.
