Adnapaviarchovy budynak zajmaje kala 31 000 «kvadrataŭ». U afarmleńni fasada vykarystoŭvałasia dreva, dy i naohuł na «zialonuju» tematyku niedvuchsensoŭna namiakajuć i dekaratyŭnyja elemienty ŭ vyhladzie liścia i ściobłaŭ.
Unutry naviedvalnikaŭ sustrenie kłasičny bieły koler, šmat škła, simpatyčnyja zony adpačynku z łavačkami i raślinami. Dla dziaciej unutry arhanizavali nievialikuju hulniavuju placoŭku z horkaj i televizaram.
Zaniatych handlovych płoščaŭ pakul nie vielmi šmat: svaje paviljony ŭžo paśpieli ŭładkavać takija kramy, jak Vdom, Zoobazar, «Kośmietika24». Pa dakumientach, 80% pamiaškańniaŭ zdadzienyja ŭ arendu, ale bolšaść kampanij płanujuć «zasialicca» da kanca červienia. U bolšaści svajoj heta buduć biełaruskija ci rasijskija brendy adzieńnia, aksiesuaraŭ i kaśmietyki. Adzin z najbujniejšych — heta Kari.
— Ciapier viadziom pieramovy z Sinsay, chočam prapanavać rekanstrujavać pad ich kramu častku parkinha na druhim paviersie. Mahčyma, da kanca hoda nam udasca dasiahnuć pahadnieńnia — raspaviali pradstaŭniki zabudoŭščyka «HałoŭIndustryjaBud».
Darečy, pra druhi pavierch. Akramia biaspłatnaha parkinha na 640 mašynamiescaŭ, tam abstalujuć zialonuju zonu adpačynku. Ciapier na dachu vysadžany hazon, chutka pavinny źjavicca altanki, łaŭki i dziciačy «haradok».
Voś tak heta budzie vyhladać na finalnaj stadyi.
U handlovym centry praduhledžana niekalki kropak ź piečyvam, kavaj i harbataj. U chutkim časie tut adkryjecca kaviarnia «Žuravy», Tab Kebab. Viaducca pieramovy i ź inšymi restaranami — naprykład, Sushi House, KFC, Mcdonald's. U Green Time ŭžo arhanizavanaja nievialikaja zona fud-korta z kanapami i barnymi stojkami.
Značnuju płošču HZC zajmaje sam praduktovy hipiermarkiet Green — kala 3700 «kvadrataŭ». Jaho pamiery (adpaviedna, i asartymient) možna acanić pa kolkaści kas: 17 zvyčajnych i jašče 6 samaabsłuhoŭvańnia. Pracavać jon budzie z 8:00 da 23:00, a astatnija kramy — z 10:00 da 22:00.
