Finalny matč pamiž Finlandyjaj i Kanadaj skončyŭsia pieramohaj finaŭ u aviertajmie — 4:3. U składzie pieramožcaŭ dźvie šajby zakinuŭ Mikael Hranłund, jašče pa šajbie na rachunku Joela Armii i Sakary Maniniena. Dla finaŭ hetaja pieramoha na suśvietnych pieršynstvach — čaćviortaja ŭ historyi.
Hod tamu ŭ finale taksama hulali hetyja samyja kamandy, ale tady kanadcy byli macniejšymi, pryčym taksama ŭ aviertajmie — 3:2. U mižčasie ž finy zmahli vyjhrać Alimpijadu ŭ kitajskim Piekinie, pieramohšy ŭ finale rasijan.
Bronzavyja miedali čempijanata śvietu hetym razam zavajavali čechi, i heta ich pieršaja ŭznaharoda suśvietnych pieršynstvaŭ za apošnija 10 hadoŭ. U matčy za treciaje miesca jany pierajhrali amierykancaŭ — 8:4.
Pakidajuć elitu zbornyja Italii i Vialikabrytanii, zamieniać ich u 2023 hodzie Vienhryja i Słavienija.
A biełarusy i rasijanie hety čempijanat śvietu prapuskali, i heta, padobna, usurjoz i nadoŭha. Prynamsi, ŭ 2023 hodzie ich nie budzie dakładna. Dy i sam čempijanat užo pieraniesieny z Sankt-Pieciarburha, dzie mieŭ u nastupnym hodzie adbycca, u finski Tampiere i ŭ łatvijskuju Ryhu.
