Hrodzienski abłasny sud praciahvaje razhlad «spravy Aŭtuchoviča». Učora ŭ sudzie pačali dapytvać abvinavačanych. Pieršym pakazańni daŭ Anton Mielchier, jakoha abvinavačvajuć pa «karahodnaj spravie». Jon całkam pryznaŭ svaju vinu.
Pavieł Sava, jakomu inkryminujuć dva artykuły Kryminalnaha kodeksa, admoviŭsia davać pakazańni. U vyniku začytali pakazańni, jakija jon davaŭ padčas śledstva. Tady jon pryznaŭsia va ŭčynienym.
Viadoma, što ad pačatku suda pamiž dźviuma kletkami, u jakich utrymlivajuć 10 abvinavačanych, ustalavali mietaličnuju piareharadku. Praz heta abvinavačanyja nie bačać adzin adnaho. U adnoj siadziać čatyry čałavieki, a ŭ druhoj — šeść. Akramia hetaha, piarebarka raździalaje śviatara Siarhieja Razanoviča ź jahonym synam Paŭłam.
Usiaho pa spravie prachodziać 12 čałaviek.
Mikałaj Aŭtuchovič chadajničaŭ pra demantaž ścien i pieraharodak u zale suda, ale sud adchiliŭ chadajnictva, paviedamlaje «Viasna».
Čytajcie taksama:
Dziaržaŭnyja ŚMI: «Aŭtuchoviča mohuć rasstralać». Ci praŭda heta?
