Pra heta paviedamlaje Mintrans Litvy.
U ciahniku było 50 hruzavych kantejnieraŭ, jon prybyŭ u Kaŭnas.
LTG Cargo — daččynaja kampanija-pieravozčyk dziaržaŭnaj kampanii «Litoŭskaja čyhunka» (ŁČ). ŁČ 11 krasavika zakryła pradstaŭnictvy ŭ Biełarusi i Rasii praz vajnu.
Raniej Jeŭrakamisija zaćvierdziła płan dapamohi Ukrainie pa vyvazie da lipienia nie mienš za 20 młn tonaŭ zbožža. Varyjant dastaŭki zbožžavych praź Biełaruś byŭ adchileny. Jeŭrakamisija ličyć nieabchodnym stvaryć łahistyčnyja kalidory i pavialičyć prapusknuju zdolnaść marskich partoŭ, kab dapamahčy Ukrainie vyvieźci zbožža.
Raniej ministr transpartu Litvy Marus Skuodzis kazaŭ, što jość tolki dva realnyja šlachi vyvazu zbožža z Ukrainy: razbłakavać z dapamohaj mižnarodnych struktur ukrainskija party abo stvaryć humanitarny kalidor dla pravozu hruzaŭ praź Biełaruś.
Skuodzis prapanoŭvaŭ vykarystoŭvać tuju infrastrukturu, jakaja jość — heta pieravozki zbožža praź Biełaruś, što dazvoliła b zadziejničać usie mahutnaści Kłajpiedskaha porta, a taksama mahutnaści partoŭ Łatvii i Estonii. Ale ciapier heta, jak vyhladaje, stała ŭžo nieaktualnym.
