«My z rasijskimi partniorami praanalizavali tavarnyja pazicyi, jakija pastupali ź niedružalubnych krain, i vyznačyli tyja nišy, jakija možna asvoić. Pa vynikach paŭtara miesiacaŭ užo dasiahnutyja pieršyja vyniki. Napracavanyja prapanovy pa krychu bolš čym 10 inviestprajektach, jakija zacikavili našych partnioraŭ pa Sajuznaj dziaržavie, u roznych halinach — sielhasmašynabudavańni, aŭtamabilebudavańni, mašynabudavańni, naftachimii, pryborabudavańni. Vynikam ich realizacyi stanie vypusk zapatrabavanych na našych rynkach praduktaŭ.
«Košt pytańnia» — kala 2,5 młrd dalaraŭ inviestycyjnych układańniaŭ. My bačym mahčymaść finansavać takija raspracoŭki sumiesna z rasijskimi kalehami. Taksama pracujem z bankami pa stvareńni śpiecyjalnych praduktaŭ dla vytvorcaŭ impartazamiaščalnych tavaraŭ. Heta budzie lhotny kredyt», — skazaŭ Čabatar.
Pavodle jaho słoŭ, u bližejšy čas budzie apublikavany śpis tavaraŭ, jakija treba impartazamiaścić. Miarkujecca, što jon stanie aryjenciram dla biznesu, a taksama bankaŭ — jakija prajekty kredytavać na lhotnych umovach. Čabatar nazvaŭ niekatoryja składniki pieraliku:
— kampanienty dla sielhasmašynabudavańnia,
— vuzły i ahrehaty dla aŭtamabilebudavańnia,
— teraftalevaja kisłata dla vytvorčaści chimvałakon.
Taksama jość pazicyi ŭ pryborabudavańni i drevaapracoŭcy. Pavodle jaho słoŭ, taksama hatovy pieralik z 30 raspracovak ajčynnych navukoŭcaŭ, jakija zastajecca tolki ŭkaranić.
Čabatar acaniŭ mahčymaści pa zaniaćci niš, pakinutych zamiežnymi kampanijami, jakija syšli z Rasii i Biełarusi.
«Kali kazać ab štohadovym imparcie, jaki ŭ siarednim zavozili da nas ź niedružalubnych krain, to havorka idzie ab paradku 8 młrd dalaraŭ. A ŭsiaho na ahulny z Rasijskaj Fiederacyjaj rynak pastupała pradukcyi na sotni młrd dalaraŭ. Pavodle našych acenak, tolki sychod kampanij pa drevaapracoŭcy i meblevaj pramysłovaści adkryvaje nišu ŭ 5-6 młrd dalaraŭ, u charčovaj pramysłovaści-kala 17-20 młrd dalaraŭ. Heta značyć, na rynku majucca nieabmiežavanyja mahčymaści dla razhortvańnia vytvorčaściaŭ», — ličyć pieršy namieśnik ministra.
