«Jany sprabujuć pacelić u toje, što, na našu dumku, źjaŭlajecca krytyčna važnaj infrastrukturaj na zachadzie. Elektraenierhija, transpartnyja vuzły i hetaj dalej. My dumajem, što heta sproba padarvać zdolnaść ukraincaŭ papaŭniacca i ŭmacoŭvacca», — skazaŭ jon.
Pavodle jaho słoŭ, dakładnaść rasijskich udaraŭ vymušaje žadać lepšaha. Kirbi padkreśliŭ, što nie daje acenku apošnich atak, ale nahadvaje, što za 70 dzion vajny było dastatkova prykładaŭ niedastatkovaj dakładnaści rasijskaha boku.
Kirbi pry hetym paćvierdziŭ, što pastaŭki ŭzbrajeńniaŭ va Ukrainu praciahnucca, niahledziačy na novyja ŭdary rasijskaha boku.
U Pientahonie taksama aceńvajuć prasoŭvańnie rasijskich sił na Danbasie jak pavolnaje i nieraŭnamiernaje. Nastup sutykajecca z bolš žorstkim supracivam ukrainskich sił.
