PZRK «Stynhier». Fota: Armyinform

PZRK «Stynhier». Fota: Armyinform

«Z cyničnaha punktu hledžańnia takija dziejańni vyhladajuć racyjanalnymi»

Pavodle źviestak SBU, śpiechrupa rasijskich dyviersantaŭ płanavała źbić pasažyrski samalot nad terytoryjaj Biełarusi abo Rasii, kab paśla abvinavacić Ukrainu ŭ teraryźmie. Dla hetaha jany pavinny byli vykarystać PZRK «Stinger» — zbroju, jakuju Ukraina atrymała ad ZŠA. Praz heta Rasija mahła b vinavacić nie tolki samu Ukrainu, ale i Štaty ŭ tym, što tyja pieradali zbroju, ad jakoj paciarpieli mirnyja ludzi. 

Dziejny biełaruski aficer, ź jakim pahavaryła «Naša Niva» ličyć taki scenar małarealistyčnym.

«Kali adkinuć usie humanistyčnyja pytańni, to z cyničnaha punktu hledžańnia takija dziejańni vyhladajuć racyjanalnymi. Bo jašče da taho, jak takaja zbroja pačała pastaŭlacca va Ukrainu, usie razumieli, što jana nie musić patrapić u aby-jakija ruki, kab nie być vykarystanaj u terarystyčnych metach. Samaloty nasamreč źjaŭlajucca ŭraźlivymi abjektami. 

Ale kali pahłybicca ŭ pytańnie, to ŭźnikaje šerah nieparazumieńniaŭ. Na jakoj terytoryi pavinna być vykarystana hetaja zbroja, kab trapić u biełaruski ci rasijski hramadzianski samalot, kali nad terytoryjaj Ukrainy jany nie letajuć, dy i vakoł Ukrainy taksama isnuje biespalotnaja zona?» — zadajecca pytańniem surazmoŭca.

«Streł musić adbycca vyklučna z terytoryi Rasii abo Biełarusi»

Vajskoviec tłumačyć, što Stinger — zbroja bližniaha dziejańnia, z dalokaściu stralby ad 200 da 4750 mietraŭ i maksimalnaj vyšyniej celi — 3800 mietraŭ. 

«Sychodziačy z hetaha, vielmi mocna zvužajecca kolkaść miescaŭ, ź jakich možna strelić, kab źbić samalot. Na dumku prychodzić tolki terytoryja bliz aeraporta, bo, kab trapić u cel, treba znachodzicca niepadalok ad hetaha miesca, kab była mahčymaść zrabić streł u momant uźlotu abo pasadki. U inšym vypadku samalot budzie lacieć vyšej za mahčymaści Stinger», — adznačaje surazmoŭca.

Z hetaha vynikaje, što padobny akt teraryzmu z vykarystańniem vyšej apisanaj zbroi možna ździejśnić, vyklučna znachodziačysia na terytoryi Rasii abo Biełarusi, kala terytoryi adnaho ź dziejnych aeraportaŭ. 

Fota: skrynšot ź videa SBU

Fota: skrynšot ź videa SBU

«Niama nievykanalnych zadač, ale vyhladaje ŭsio heta nie vielmi praŭdapadobna»

«Naturalna, što niama nievykanalnych zadač, ale vyhladaje ŭsio heta nie vielmi praŭdapadobna», — miarkuje vajskoviec.

Surazmoŭca adznačaje, što ciapier abodva baki pracujuć na apieradžeńnie i davoli časta anansujuć niejkija akcyi i pravakacyi, jakija nibyta rychtujucca inšym bokam.

«Častka z takich zajaŭ — vyklučna dziela stvareńnia pryhožaj karcinki dla ŚMI, kab ludzi, jakija nie nadta raźbirajucca ŭ tych ci inšych pytańniach, pavieryli ŭ jaje praŭdapadobnaść i zrabili patrebnyja vysnovy», — ličyć vajskoviec.

Čytajcie taksama: 

Što takoje ORDŁO i ŭ čym roźnica pamiž BTHr i BTR? Hajd pa terminach i abrevijaturach vajny va Ukrainie

Pieršy abvinavačany ŭ zabojstvach u Bučy biełarus? Moža być pamyłka: hety čałaviek dvojčy sudzimy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?