Pra rakietny ŭdar pa Adesie
«Podonki voniučije» — prezident Zialenski pra tych, chto addaŭ zahad bambić Adesu napiaredadni Vialikadnia.
«Try miesiacy dziciaci — zahinuła. Ëj byŭ miesiac, kali pačałasia vajna. Prosta niejki žach. I ŭ hetyja dni — im uvohule na ŭsio naplavać. Pra jakoha Boha jany havorać? Pra jakija kaštoŭnaści? Pra jaki «ruski śviet»? «chryścijanski śviet»? Na ich, jak jany kažuć, «lubimuju Adesu». Padonki śmiardziučyja», — nie strymaŭsia Zialenski.
«Z nami skončać — za vas voźmucca»
«Hetuju vajnu nielha ni ź jakoj paraŭnać u XX stahodździ, takoj vajny jašče nie było».
I, adkazvajučy na pytańnie azierbajdžanskaha žurnalista, źviartajučysia da inšych susiedziaŭ Rasii: «Z nami skončać — za vas voźmucca».
Ultymatum Maskvie
«Kali buduć źniščanyja našy ludzi ŭ Maryupali, kali budzie abvieščany refierendum na lubych akupavanych terytoryjach Ukrainy, Ukraina vyjdzie ź lubych pieramovaŭ».
U toj ža čas prezident Ukrainy zajaviŭ, što hatovy da dypłamatyčnaha, a nie vajennaha rašeńnia kanfliktu: «Ja chaču sustrecca z Pucinym, kab spynić hetuju vajnu».
Pra novyja vizity i mahčymaść debłakady Maryupala
Zaŭtra Kijeŭ naviedajuć dziaržaŭny sakratar ZŠA Blinkien i ministr abarony ZŠA Ościn, paviedamiŭ Zialenski, raskryŭšy infarmacyju, jakuju amierykanski bok trymaŭ u tajamnicy.
Na vajennuju debłakadu Maryupala Ukraina ciapier nie zdolnaja, — skazaŭ Zialenski. — Ukrainskija vajskoŭcy, jakija tam znachodziacca, heta razumiejuć, heta realnaść.
«Pad udarami, naniesienymi ź Biełarusi»
«Pieršymi [padčas napadu Rasii 24 lutaha] zahinuli rabotniki suviazi, pad rakietnymi ŭdarami, jakija byli naniesienyja z terytoryi Biełarusi», — adznačyŭ prezident Ukrainy.
Chto tam ščaślivy?
«Zabrali jany Prydniastroŭje, zabrali Abchaziju, zabrali Danbas. Što tam — Hankonh? Što tam — Dubaj? Jakaja tam cyvilizacyja? Chto tam ščaślivy?» — pra terytoryi, padkantrolnyja Rasii.
Pra pastaŭki ŭzbrajeńniaŭ Ukrainie krainami Zachadu
«Što tyčycca pastavak zbroi, nam usio roŭna, što dumaje z hetaj nahody Rasieja. Choć jany i sami nam šmat techniki pastavili — my pamiatajem, jak jany kidali ŭzbrajeńnie i ŭciakali».
