U telehram-kanale pałka «Azoŭ» pišacca nastupnaje:

«Kala hadziny tamu rasijskija akupacyjnyja vojski vykarystoŭvali suprać ukrainskich vajskoŭcaŭ i cyvilnych asob u horadzie Maryupal atrutnaje rečyva nieviadomaha pachodžańnia, jakoje było skinuta z varožaha bieśpiłotnaha latalnaha aparata.

U paciarpiełych nazirajecca dychalnaja niedastatkovaść, viestybuła-ataktyčny sindrom. Nastupstvy vykarystańnia nieviadomaha rečyva ŭdakładniajucca».

Krynica, blizkaja da Minabarony Ukrainy, paviedamiła «Suśpilnomu», što imaviernaść vykarystańnia Rasijaj chimičnaj zbroi «vielmi vysokaja».

Paśla ŭ svaim zvarocie lidar «Azova» Andrej Bilecki paviedamiŭ, što rasijanie ŭžyli chimičnuju zbroju nad zavodam «Azoŭstal», jaki ŭtrymlivajuć ukrainskija abaroncy ź jahonaha pałka. Bilecki śćviardžaje, što troje bajcoŭ pałka paciarpieli. Paciarpiełyja, pa jahonych słovach, znachodziacca ŭ zdavalniajučym stanie.

Abviaržeńnia abo paćviardžeńnia z rasijskaha boku pakul što nie było.

Nahadajem, raniej zachodnija raźviedki papiaredžvali, što rasijanie mohuć arhanizavać chimičnuju ataku va Ukrainie.

A akurat siońnia «pałkoŭnik» vojskaŭ samaabvieščanaj «DNR» Eduard Basuryn prapanavaŭ vykarystoŭvać suprać ukrainskich padraździaleńniaŭ u Maryupali chimičnuju zbroju.

Čytajcie taksama:

«Pałkoŭnik» samaabvieščanaj «DNR» prapanavaŭ vykarystać suprać abaroncaŭ Maryupala chimičnuju zbroju

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?