Fota: Andrej Marynka, UNIAN
52 rakiety byli vypuščanyja z karabloŭ Čarnamorskaha fłotu z akvatoryi Sievastopala i nie mienš za 18 — z terytoryi Biełarusi.
Ahulny košt hetych rakiet pieravyšaje $340 młn pramych vytvorčych vydatkaŭ u cenach 2020 hoda, a z ulikam łahistyki — da paŭmiljarda dalaraŭ za adzin raz tolki załpami z karabloŭ Čarnamorskaha fłotu.
Pry hetym SPA Ukrainy pastaviła rekord pa źbitych celach: ź jak minimum 70 vypuščanych Rasijaj rakiet dalacieli tolki vosiem. Astatnija byli źniščany ŭ niebie.
Rasija pravodziła abstreł u tym liku pa terytoryi, jakaja znachodzicca ŭ niepasrednaj blizkaści ad miažy Polščy. U toj ža dzień tam znachodziŭsia ź vizitam prezident ZŠA Džo Bajden. Taksama 26 sakavika u Polščy ź vizitam była i Śviatłana Cichanoŭskaja.
Raniej krynicy The Insider paviedamlali, što Rasija 26 sakavika vypuściła pa terytoryi Ukrainy da 50 rakiet. Častka ź ich udaryła pa Lvovie: rasijski bok abstralaŭ skład paliva i abaronny abjekt.
