«Pieradała dniami jamu pieradaču, a ŭ aŭtorak jaho naviedała advakat, — raspaviała «Narodnaj Voli» Maryna Šybko, žonka Alaksandra Fiaduty. — Jon pieranios pnieŭmaniju, kałoli jamu antybijotyki. Adrazu pra heta nie napisaŭ, bo drenna siabie adčuvaŭ, i arytmija była. Kaža: ni siadzieć, ni lažać nie moh. Jak ja zrazumieła, dvojčy na dzień jamu rabili ŭkoły ŭ kamiery.
Nastroj u jaho zaraz krychu lepšy. Bo kali chvareŭ, to ŭvohule nie moh spać — zadychaŭsia. Moža, heta byŭ i karanavirus, nie viedaju dakładna. Dzie tam možna było padchapić tuju pnieŭmaniju?..
Inšych navin niama. Nie viadoma, kali z materyjałami spravy pačnie znajomicca. Miž inšym, 11 krasavika budzie hod, jak jaho zatrymali!»
Alaksandra Fiadutu zatrymali amal hod tamu ŭ Maskvie. Jon razam z Ryhoram Kastusiovym i Jurasiom Ziankovičam źjaŭlajecca fihurantam kryminalnaj spravy ab «zmovie z metaj zachopu ŭłady niekanstytucyjnym šlacham».
