Rasiju 95% hramadzian Ukrainy ličać «adnaznačna varožaj», jašče 3% — «chutčej varožaj», jašče pa 1% vybrali adkazy «niejtralnaja» i «ciažka adkazać». Biełaruś 52% i 32% ukraincaŭ ličać «adnaznačna» i «chutčej» varožaj.
U toj ža čas 77% apytanych ličać, što spravy va Ukrainie iduć u pravilnym kirunku. Tolki 14% pytrymlivajucca supraćlehłaha mierkavańnia, 10% — nie zmahli acanić situacyju. Va ŭsich rehijonach i siarod usich uzrostavych hrup daminuje acenka ŭziataha kirunku jak pravilnaha.
Viera ŭ pieramohu zastajecca na samym vysokim uzroŭni: 93% apytanych vierać u toje, što Ukraina moža adbić napad Rasii. Upeŭnienaść u pieramozie pieravažaje va ŭsich rehijonach krainy.
Pałova (47%) apytanych spadziajucca, što Ukraina zmoža atrymać pieramohu ŭ vajnie z Rasijaj užo ŭ najbližejšyja niekalki tydniaŭ. Čverć (23%) ličać, što vajna praciahniecca niekalki miesiacaŭ. Tolki 12% dumajuć, što vajna skončycca praz paŭhoda—hod ci bolš. Tych ža, chto naohuł nie vieryć u pieramohu, praktyčna niama. 17% pakul nie zmahli adkazać na hetaje pytańnie.
