«13 sakavika ŭ Vorzieli rasijskija akupanty pa-varvarsku rasstralali fizika-ekśpierymientatara, šmathadovaha zahadčyka adździeła i namieśnika dyrektara Instytuta fiziki paŭpravadnikoŭ imia Łaškarova NAN Ukrainy, łaŭreata Dziaržaŭnaj premii Ukrainy ŭ halinie navuki i techniki, prafiesara, člena-karespandenta NAN Ukrainy Vasila Kładźko», — paviedamlaje NAN.
Pa słovach kaleh, Kładźko vyvoziŭ z Vorziela svaju siamju. Žonka i ŭnuki paśpieli źjechać, a «Kładźko zatrymaŭsia, kali ŭ Vorziel zajšli rasijskija akupanty».
«A dalej adbyłosia, što adbyłosia, i pryčyny čaho, akramia ich namieraŭ źniščeńnia Ukrainy i ŭkraincaŭ, nieviadomyja», — napisali ŭ NAN.
Prafiesaru Vasilu Kładźko było 65 hadoŭ. Jon naradziŭsia na Rovienščynie. U 1986 hodzie jon abaraniŭ kandydackuju pracu, u 2000-m — doktarskuju. U 2015 hodzie Vasil Kładźko byŭ abrany členam-karespandentam Nacyjanalnaj akademii navuk Ukrainy.