Adnačasova Moody's paniziła stol rejtynhaŭ Biełarusi ŭ nacyjanalnaj i zamiežnaj valucie z «B2» i «B3» da «Caa3» i «Ca» adpaviedna.
«Panižeńnie rejtynhaŭ adlustroŭvaje pasłableńnie kredytazdolnaści Biełarusi na fonie vajennaha ŭvarvańnia Rasii va Ukrainu.
Biełaruś niepasredna adčuvaje značnaje ŭzmacnieńnie sankcyj, nakiravanych suprać klučavych siektaraŭ ekanomiki i finansavaj sistemy, što abmiažuje i biez taho vuzkija źniešnija reziervy krainy i pastavić pad pahrozu jaje zdolnaść absłuhoŭvać svoj doŭh», — havorycca ŭ pres-relizie.
Pavodle Moody's, defołt Biełarusi stanovicca ŭsio bolš vierahodnym z pryčyny sumnievaŭ nakont hatoŭnaści ŭrada pahasić svaje daŭhavyja abaviazacielstvy.
Źnižeńnie rejtynhu Biełarusi źviazanaje z surjoznym paharšeńniem kredytnaha profilu Rasii, što histaryčna było klučavym faktaram i krynicaj finansavaj padtrymki krainy.
