«Z krain Blizkaha Uschodu bolš za 16 tysiač dobraachvotnikaŭ hatovyja pryjechać dla dapamohi DNR i ŁNR», — zajaviŭ siońnia na naradzie z Uładzimiram Pucinym ministr abarony Rasii Siarhiej Šajhu.
Pucin Šajhu padtrymaŭ.
«Kali vy bačycie, što jość ludzi, jakija chočuć na dobraachvotnaj asnovie, tym bolš nie za hrošy, pryjechać i akazać dapamohu ludziam, jakija žyvuć na Danbasie, nu, što ž, treba pajści im nasustrač i dapamahčy pierabracca ŭ zonu bajavych dziejańniaŭ, ‒ skazaŭ Pucin.
Hetaja zajava ŭskosna paćviardžaje, što rasijskaja armija va Ukrainie sutyknułasia ź ciažkaściami. Kali b nastup išoŭ «pa płanie», patreby pryvozić arabskich najmitaŭ nie było b.
Raniej byli apublikavanyja sacyjałahičnyja źviestki, što rasijskaje hramadstva pačynaje stavicca da napadu na Ukrainu krytyčna, Kreml byŭ vymušany paabiacać nie vykarystoŭvać pryzyŭnikoŭ, sotni jakich zahinuli abo trapili va Ukrainie ŭ pałon.
U toj ža čas Rasija ličyć parušeńniem norm mižnarodnaha prava pryciahnieńnie zamiežnych dobraachvotnikaŭ ukrainskim bokam.
«Na žal, znajšlisia». Minabarony Rasii pryznała ŭdzieł sałdat terminovaj słužby ŭ vajnie va Ukrainie
Kubań, Tatarstan, Samara, Nižnievartaŭsk — pa ŭsioj Rasii chavajuć zahinułych va Ukrainie vajskoŭcaŭ
